Një aksident i rëndë është regjistruar ditën e sotme në aksin rrugor Elbasan-Librazhd, në vendin e quajtur “Gjahtari”, ku një mjet “Ford” ka dalë nga rruga dhe është rrëzuar në lumin Shkumbin. Si pasojë e këtij aksidenti të rëndë, tre persona kanë humbur jetën.
Në dy kronika që kanë përgatitur dy televizionet, Top Channel një televizion kombëtar dhe ABC News televizion që pretendon të rritet, raportojnë për publikun se nga vendngjarja kur ka ndodhur aksidenti ka pasur gurë në rrugë dhe ka pasur mungesë barrierës së hekurit.
CNA.al po sjell tre foto të thjeshta që janë direkt në momentin e aksidentit, ku fotot tregojnë qartë që makina ka goditur gardielën, më pas ka rënë në lumë. Pra gardiela ishtë ekzistuese, nuk mungon bariera e hekurit siç pretendojnë këto dy televizione.
Në fotot e tjera sêrish direkt pas aksidentit, të bëra edhe nga policia tregohet qartazi që gurë në rrugë nuk ka pasur.
Pse gënjejnë publikisht dhe turpësisht Top Channel dhe ABC News?
Burime nga policia e Elbasanit deklaruan CNA.al se shkaku i aksidentit nuk është as gardiela as gurët në rrugë.
Cila është arsyeja që mashtrojnë opinionin publik dhe abuzojnë me një ngjarje të dhimbshme ku kanë humbur jetën tre persona?
Duan të gjejnë përgjegjësinë tek një barrierë hekuri apo te gurët gjoja në rrugë. Është më shumë se sa një fake news, më shumë se sa një shpifje.
