Gazeta zyrtare e Partisë Demokratike, “Rilindja Demokratike” hapej sot me një kopertinë me titullin: Javë arrestimesh?
Në foto siç shihet paraqitet ministri i Brendshëm, Fatmir Xhafaj dhe ish-ministri Saimir Tahiri.
Nuk dihet nga buron ky entuziazëm i PD-së e cila nuk ka atë forcë të tillë politike sa të përligjë arrestimin e dy zyrtarëve të lartë të PS-së.
Për Tahirin është tanimë në fuqi “arresti shtëpiak”, por për Xhafën, PD-ja ka paraqitur disa akuza dhe një audio-përgjim të cilat i shpall si prova të mjaftueshme për largim e mandej arrestim të tillë.
Përtej lojës politike që po zhvillohet e ku duket se PD-ja po ndihmohet nga brenda PS-së, PD-ja nuk ka sqaruar se cili është burimi i audio-përgjimit ku pretendohet se flet vëllai i ministrit aktual të Brendshëm.
Është detyrim ndaj opinionit publik zbardhja e autorëve të përgjimit, pasi ashtu kuptohet edhe qëllimi i përgjimit që është qepur keq, shkruan Respublica.