Ish-kryeministri Sali Berisha ka folur në lidhje me lajmin se në selinë e PD ekzistonin tunele të mëdha nëntokësore që të çonin në Ministrinë e Brendshme dhe kjo gjë bënte të mundur strehimin e grupit të armatosur që u shfaq në foto një ditë më parë.
“Ata mund ti përdorin, tunele mund të ketë se nuk e di. Unë nuk mora zyra në atë seli, e refuzova që të kisha një zyrë në atë godinë. Ata personat me maska janë të pranishëm aty. Ajo zonja që ka dalë aty ka shumë vite që punon në PD në sektorin e shërbimit.
Foton e ka postuar personalisht një anëtar i batalionit “Luani”, pjesëtar i forcave të armatosura në instagramin e tij. Nuk ka sesi të jetë foto e bërë para dy viteve sepse personat kanë maska në fytyrë.
Ka një zëdhënës Basha, një njeri i inkriminuar që merret me inskenimin e tyre”, tha Berisha i ftuar në një studio televizive.
Me teorinë e Barishës është bashkuar dhe Artan Hoxha i cili deklaroi se në selinë e Partisë Demokratike ndodhen disa shqiptarë të Maqedonisë së Veriut, të cilët Sali Berisha i ka cilësuar si mercenarë që janë thirrur nga Lulzim Basha.
“Ka një grup shqiptarësh nga Maqedonia e Veriut. Janë persona që kanë atë të shkuarën e tyre, kanë marrë pjesë edhe në luftë”, tha Hoxha.
Megjithatë, gazetari shtoi se përsa kohë ndaj tyre nuk është ngritur asnjë akuzë nga institucionet shqiptare, ata janë qytetarë të lirë në Shqipëri.
“Por, përsa kohë ata kanë hyrë në Shqipëri dhe nuk kanë asnjë çështje të hapur, ata janë në shqipëri si qytetarë të lirë dhe janë qytetarë të lirë”, thotë Hoxha.
Në fakt këto janë broçkulla sepse foto e publikuar nga Berisha i përket kohës së protestave para 2 vjetësh dhe “trimat” në PD janë anëtarët e grupit “molotovi” me maska jo nga kovidi por për të mos u identifikuar