Skandali i publikimit të databazës me rrogat dhe të dhënat e mijëra shqiptarëve ka nxjerrë në dritë detaje dhe informacione që nuk do merreshin vesh kurrë. Pasi shqiptarët morën vesh rrogat e njëri-tjetrit, radhën e pati databaza me targat e më shumë 500 mijë shqiptarëve.
Në këtë databazë ndodhen të detajuara të dhënat e makinave në Shqipëri, me targa, ngjyrë, tipi makinës, lloji, dhe emri i pronarit. Sipas “Panorama” Benzi është makina e preferuar që VIP-at shqiptarë kanë dhe pas saj vjen Audi dhe makina të tjera me çmime të ndryshme në treg.
Kështu, Luana Vjollca këngëtare dhe moderatore ka në pronësi një “BMW X6” ngjyrë të kuqe, e cila ka një çmim që varion nga 65 mijë deri në 100 mijë euro. Ndërsa motra e saj, Marina Vjollca ka në pronësi një “Mercedes Benz CLS400 D 4MATIC”, që në treg arrin një çmim deri në 150 mijë euro.
Ndërkohë Çiljeta Çilaga ka në pronësi një “Range Rover”-i “Evoque” me çmim që arrin nga 50 mijë euro deri në 150 mijë euro.
Orinda Hysko, moderatorja e njohur ka në emër të saj tre makina të regjistruara dhe një prej tyre është një “Mercedes Benz GLK 220 CDI 4matic”, vlera e të cilit në treg arrin deri një 130 mijë euro.
Arbana Osmani në këtë databazë ka të regjistruar në emrin e saj një “BMW X5”, e cila në treg arrin në një çmim deri në 60 mijë euro.
Romeo Veshaj ka në pronësi një “Porsche Cayenne” dhe një “BMW K1200”, ndërsa Donaldi ka një “Mercedes Benz c 200 Bluetec” dhe “Fiat Multipla”.
Ndërsa Ermal Mamaqi ka një Mercedez fuoristradë dhe një makinë sportive si “bombardier can am” ndërsa bashkëshortja e tij, Amarda Toska, ka në pronësi një “Renault captur”.
Vlen të thuhet se ka edhe VIP-a që kanë makina më pak të kushtueshme se kolegët e tyre të cilët duket se nuk janë kursyer fare për luksin e makinave. Këtu përmendet Flori Mumajesi, Ledion Liço, Gentjan Zenelaj apo Turjan Hysko dhe Bora Zemani që s’kanë asnjë makinë të regjisturar në emrin e tyre.