Avokati Idajet Beqiri i ftuar në një studio televizive, ka folur rreth rolit të Izet Haxhisë dhe dëshmive të tija për Berishën që e implikojnë atë në veprime të rënda kriminale.
“Fakt është që Izet Haxhija është dëshmitar okular që e njeh shumë mirë anën e errët të politikës shqiptare që nga viti ’91 e deri në vitin ’98. Madje ka patur edhe tentativa për ta eleminuar. Memoria e tij është e jashtëzakonshme, pasi ai i kishte të memorizuara në tri seanca gjyqësore dëshmitë e tij për të gjitha lëvizjet politike dhe krimet. Këto dëshmi janë bërë në prani të gjykatës dhe prokurorit dhe janë dëshmi të pandryshueshme.
Ai njeri ka informacion me detaje me orë dhe vende konkrete. Këto deklarata e implikojnë rëndë Sali Berishën, duke e shfaqur atë si një bandë kriminale.”,-u shpreh avokat Beqiri.
Për publikimin pagave, avokati Idajet Beqiri u shpreh se kjo është një vepër e militantëve të punësuar në administratën shtetërore.
“Problemi është që në këtë vend nuk po ndërtohet dot një administratë shteti, pasi kemi vetëm militantë, që kërkojnë të marrin vota. Të dy palët kanë faj, por në periudhën e Berishës kjo u bë si një sistem, pra nëse më jep votën të jap postin në administratë.
Po ashtu kjo situatë u thellua nga LSI, e cila kërkonte pjesën e saj nga të gjithë ata të punësonte. Të analizosh sot administratën, shumica e tyre janë militantë nga LSI apo parti të tjera. Këto publikime janë vepër e këtyre militantëve. Secila parti ka të sajët në administratë.”,-u shpreh Beqiri.