Deputeti socialist, Erion Braçe akuzon Sali Berishën se po shpenzon thasë me para në aktivitetet e tij, të cilat kulmojnë nesër në stadiumin “Air Albania” me thirrjen e Kuvendit të PD.
Braçe shkruan në Facebook se ka hyrë në ambientet e “Air Albania” dhe ka parë sesi hidhen ‘thasë me para’ në zemër të Tiranës dhe askush nuk heton.
Ish zv.kryeministri shkruan se mbi 100 njerëz po punojnë në “Air Albania” dhe, ka një varg të gjatë mjetesh me materiale e pajisje, por të gjitha janë të paidentifikuara, pasi kanë hequr logot identifikuese.
‘Shumë thasë me lekë, shumë! Që Sali Berishës si kanë munguar kurrë paratë, kjo nuk është e re! Edhe Hitlerit si munguan kurrë! Por një gjë nuk kuptoj; Në zemër të Tiranës, po shpenzohen shumë thasë me lekë nga një njeri i vetem, por asnjë agjenci ligjzbatuese nuk lëviz nga vendi.
Madje sapo mbaroi orari zyrtar dhe nisi fundjava dhe zero veprim ka! Para për qirane e stadiumit, para për tribunën, para për ekranet, para për zërin, para për transmetimin, para para para para para;
Po burimi cili është? Hyra tani në “Qemal Stafa” dhe aty, ka mbi 100 njerëz që po punojne, ka një varg të gjatë mjetesh me materiale e paisje, por të gjitha janë të paidentifikuara, kanë hequr logot identifikuese!
Në Durrës, paisjet janë bërë hyrje nga kuadr.com por operacioni është zgjedhur i tille që mos lërë asnjë gjurmë!
Kush po punon, kush po merr paratë dhe kush po paguan? Qe Sali Berishës në 8 vite nuk ju ndërprenë kurrë burimet e parave, nuk ju prish asnjë nga kontratat që firmosi e vulosi si koncesione duke ikur, nuk ju sulmua asnjë nga kompanitë kliente, nuk ju kallëzua asnjë nga hajdutet e mëdhenj që shfrytëzonin pushtetin e shërbenin si depozita parash, kjo është e dukshme;
Por tani kur çdo shqiptari që kthehet nga emigrimi i kontrollohet çdo çantë si ka mundesi që ketij si kontrollohet asnjë nga thaset që po derdhen ne mes të Tiranës?!’- shkruan Braçe.
Sipas raportimve, vetëm qiraja për aktivitetin në “Air Albania kushton 8 mijë euro.