Ai ishte me mision në Kosovë, kur gjatë misionit të patrullimit takoi një vajzë 4-vjeçare, e cila vuante nga diabeti i tipit 1. Nuk u mendua dy herë dhe bleu menjëherë për të insulinën dhe një aparat të nevojshëm për të matur nivelin e glicemisë në gjak.
Më pas, pas kthimit në Itali, kontaktoi me mjekët e spitalit “Umberto I” në Romë, për të kryer hetime të thelluara dhe për të identifikuar terapinë e duhur. Tani vajza, pas një operacioni të vogël, është në gjendje më të mirë shëndetësore.
Kjo është historia e ushtarakut të ri Fabio Cervellieri, i cili, i mbështetur nga i gjithë Regjimenti i Karabinierëve, shpëtoi një jetë të re.
Shoqëruese e fëmijës ishte nëna e saj dhe gjithçka për to ishte e paguar, nga blerja e ilaçeve deri te udhëtimi, falë një mbledhje fondesh të organizuar nga Fabio dhe kolegët e tij.
Karabinierët kanë premtuar se do të vazhdojnë t’i qëndrojnë pranë vajzës së vogël, duke u siguruar që ajo të jetë mirë me shëndet.