Sot Muli mori një letër anonime për Ervis Kokpalarin.
Letërshkruesi shpjegonte gjerë e gjatë pse Kokpalari u shfaq befas në krah të Doktorit, dhe pse ky nuk e ka të lehtë ta zbojë atë:
“I dashur Muli!
Po të dërgoj këtë letër, të kesh kujdes për vete, se më dukesh djalë i sinqertë.
Ti nuk e njeh Ervis Kokpalarin.
Dhe lidhjet e saj të vjetra me Doktorin.
Babai i saj që mbante më shumë mbiemrin Hoxha se Kokalari, ishte kushëri me Enver Hoxhën.
Doktori dhe ai ishin në një organizatë partie dhe ai ka ndihmuar në vitin 1974 që të hiqet doktor Boga nga sekretar partie dhe të kalojë Saliu.
Për këtë ai foli mirë dhe në Komitet Qendror, pasi Doktori kishte bërë një raport anonim 47 faqe kundër organizatës së partisë.
Pastaj si njeri i afërt me Enver Hoxhën, ai ka ndihmuar që Doktori të afrohej me familjen Hoxha dhe të hiqej si familjar në shtëpi të tij.
Kokpalari nuk është vajzë e sinqertë.
Ajo i ka bërë presion Sali Berishës me këto fakte dhe rrethit të tij, dhe ata e kanë bërë pjesë të tyre.
Pra mos e merr kaq të lehtë atë.
Ajo ka shantazhuar Doktorin, e jo më ju.
Kujdes në raportet me të, mos e mbaj afër dhe mos i jep konfidenca, se të shantazhon.
Po ta vije re në foltoren e Sarandës, sapo ai mjeku i përmendi Doktorit babain e Kokpalarit, ai ju lut ta ndërpriste bisedën, se do ta takonte pas takimit.
Ai nuk do që të dalë kjo lidhje, pasi nuk do të tregohet i dobët para demokratëve, që e shantazhon Kokpalari.
Një njeri që të do të mirën. Anonim të lutem”.