I ftuar në emisionin “Shqip” nga Rudina Xhunga në “Dritare TV”, deputeti i PD, Ervin Salianji ka vijuar akuzat e tij ndaj ish zv.kryeministrit dhe deputetit të PS, Erion Braçe.
Ditë më parë Salianji e akuzoi Braçen në Kuvend se emri i tij është në përgjimet e prokurorisë italiane për biznesmenin Rezart Taçin.
“Lajmi i mirë që PD është në qendër të vëmendjes, por lajm jo i mirë që aferat e qeverisë nuk po marrin vëmendjen e duhur.
Sa i përket pyetjes për Braçen në Kuvend, ishte një pyetje normale për një dokument që unë disponoja, që për një prej mafiozëve në tabulatet telefonike del që zv.kryeministri dilte garant për pastrimin e parave. Këto bëjnë gjasme edhe opozitën.
Nuk ka politikan më të shpifur se ai ish zëvendës kryeministri, ai është tipologjia më e keqe politikanit hipokrit deri në fund, i ka marrë gjithçka PS dhe Shqipërisë.
Në terren Braçe emëron drejtues tatimesh, kryetarë bashkie, njerëz me precedentë penalë. Në jug flitet për taksën Braçe që vendosin taksidarët e tij nëpër zona.”, u shpreh Ervin Salianji.