Ajo është një modele e njohur në Shqipëri, e cila ka marrë pjesë në shumë projekte të rëndësishme brenda dhe jashtë vendit. Bëhet fjalë për Ksela Lara bjonden simpatike që ka tërhequr vëmendjen me stilin e veçantë dhe bashkëpunimet e shumta me fotografin e njohur Endrit Mërtiri.
Mirëpo ndonëse në vendin tonë është mjaft e njohur, ajo i ka çuditur fansat pak më herët pasi fotografi Endrit Mërtiri i ka publikuar një foto ku shihet duke lypur.
Momentalisht ndodhet në Romë për projektin e radhës dhe duket se me grupin e saj të miqve ka bërë një shaka në rrugat e qytetit italian.
Ksela shihet e ulur në hyrje të dyqanit të markës së njohur ‘Dolce Gabbana’ , ku në një letër ka shkruar: “Më duhen para për D&G”. Ndërsa në profilin e saj modelja ka treguar se e ka seriozisht, i duhen ato lekë për të blerë sandalet 5000 euro të markës së njohur.
