Suksesin e parë e pati në moshën 11 vjecare me filmin “Lesi”, por në kinema kishte debutuar një vit më parë. Më pas kaloi nga një sukses në tjetër me interpretime të paharrueshme si në “Gra të vogla” , “Babai i nuses” dhe “Babai bëhet gjysh“(1950 e 1951), “Një vend në diell” (1951). Periudha e saj e artë është në vitet 50 dhe fillimi i viteve 60-të me filma që kanë bërë histori në kinema “Gjigandi” (1955), “Pema e jetës” (1957), “Macja në catinë që lëviz” (1958), “Kleopatra (1963) etj.
Ajo u nominua për Oscar 4 vjet rresht, duke fituar për Butterfield 8 dhe gjithashtu për “Who’s Afraid of Virginia Woolf”. Ajo ishte aktorja e parë që mori arriti 1 milion të ardhura për rolin e saj në “Kleopatra”.
Ishte koha gjatë realizimit të filmit të “Kleopatrës” ku ajo u njoh me Richard Burton dhe filloi marrëdhënien e saj të famshme dhe më të ngatërruar. Ata u martuan dhe u divorcuan dy herë. Në total Taylor u martua 7 herë. Vite më vonë Taylor ishte e njohur për mbështetjen dhe mbledhjen e fondeve për të prekurit nga AIDS, dhe iu dha Çmimi Humanitar “Jean Hersholt” në vitin 1993.
Taylor ishte e famshme për dashurinë e saj për bizhuteritë dhe koleksioni i saj i jashtëzakonshëm ishte ankandi më i vlefshëm i bizhuterive ndonjëherë. Ajo lindi më 27 shkurt 1932 në Londër, Angli, dhe u nda nga jeta në moshën 79 vjeçare më 23 mars 2011 /Na Ishte Dikur nga E. Simoni