Kryeministri Edi Rama iu është përgjigjur dhe deklaratave të forta të tetë deputetëve të delegacionit të Holandës, të cilët u treguan skeptikë për hapjen e negociatave të Shqipërisë me BE.
Rama deklaroi se i vjen për të qeshur kur vijnë delegacione për të mbledhur fakte për një gjysmë dite, ndërsa e quajti mik të shtrenjtë Lulzim Bashën, duke shtuar me të e bashkon dashuria për Holandën.
Më vjen për të qeshur kur vijnë delegacione për të mbledhur fakte, më takojnë mua, ca deputetë dhe mikun tim të shtrenjtë, me të cilin na bashkon në rrugë të ndryshme dashuria për Holandën, Lulzim Bashën, dhe largohen, mbledhin fakte. Po çfarë lloj faktesh mund të mblidhen në gjysmë dite, ndërkohë që KE është një ushtri ekspertësh dhe burokratësh të panumërt të hanë fakte, pinë fakte dhe dëgjojnë vetëm fakte.