Gazetari dhe komentatori i sportit, Kosta Grillo, nuk e ka fituar dot betejën me koronavirusin.
Mësohet se Grillo ka ndërruar jetë në Turqi, ku dhe po kurohej që nga mesi i muajit gusht.
Ai udhëtoi drejt Turqisë në datën 12 gusht, e ndërsa që prej 27 gushtit ndodhej në terapi intesive, në gjendje të rëndë.
Lajmin e trishtë për ndarjen e tij të parakohshme nga jeta e ka dhënë miku i komentatorit, Ervin Petraq Baku.
“Vëllai ynë nuk ja doli dot. Të ndrittë shpriti Kosta Grillo”, shkruan ai.
Kush ishte Kosta Grillo
Kosta Grillo është komentatori sportiv më jetëgjatë në Shqipëri. Fillimisht ai ishte i pranishëm në mediat e shkruara me shkrime dhe analiza të shumta.
Më pas Grillo u bë i njohur si komentator sportiv, veçmas i futbollit, ku ka dhënë një kontribut të çmuar.