Departamenti Amerikan i Shtetit duke iu referuar shifrave zyrtare të policisë shqiptare mbi arritjet në luftën kundër kanabisit, del në përfundimin se nuk është qeveria shqiptare ajo që inkurajon apo lehtëson prodhimin dhe shpërndarjen e drogave.
Në “Raportin e Strategjisë Ndërkombëtare të Kontrollit të Narkotikëve/ International Narcotics Control Strategy Report (INCSR) 2018”, DASH ka publikuar shifrat në rënie të kultivimit të kanabisit, si dhe shifrat në rritje të të arrestuarve nga policia shqiptare për kanabisin.
Ja cfarë shkruan DASH:
Sipas Policisë së Shtetit Shqiptar, gjatë 10 muajve të parë të vitit 2017 u sekuestruan gjithsej 88.57 ton metrik marihuanë, pothuajse tre herë më shumë se sa janë sekuestruar gjatë gjithë vitit 2016 dhe një total prej 208.308 bimë kanabis u crrenjosën, një reduktim ky prej 10 fish më shumë se sa numri i bimëve që u asgjesuan në 2016.
Fluturimet mbikëqyrëse italiane të Guardia Di Finanza identifikuan shumë më pak plantacione të dyshuara të kanabisit dhe vlerësuan se kultivimi i kanabist ra me 95 përqind që nga viti i kaluar.
Policia e shtetit, përfshirë policinë kufitare, arrestoi 1500 vetë për vepra penale të lidhura me trafikun e drogës gjatë dhjetë muajve të parë të 2017, duke tejkaluar numrin e përgjithshëm të arrestimeve, 1349 të bërë në tërësinë e 2016./Lexo.al