Mediat britanike raportojnë se ish-trajneri i Manchester Unitedit, Sir Alex Ferguson, është në gjendje të rëndë shëndetësore dhe pritet t’i nënshtrohet një operacioni sonte.
The Times raporton se miqtë e Fergusonit kanë treguar se ai është ankuar për gjendje jo të mirë shëndetësore që nga e enjtja, ndërsa dje u shtrua në spital, përcjell Gazeta Express.
Ai u mor nga shtëpia e tij në Cheshire rreth orës 9 të mëngjesit me një ambulancë dhe u dërgua në spitalin e rrethinës Maccelesfield.