Një ngjarje e rëndë ka ndodhur këtë të shtunë në afërsi të fshatit Derven në Fushë Krujë, ku një automjet është djegur tërësisht bashkë me një person brenda. Kanë qenë banorët e zonës të cilët kanë njoftuar policinë menjëherë pasi kanë lokalizuar tymin dhe flakët pranë disa shkurreve.
Mbërritja e policisë ka konfirmuar se brenda në automjetin tip “Volkswagen Turan” i përfshirë nga flakët ndodhet një kufomë e shkrumbuar nga zjarri.
Burime: Viktima i paidentifikuar, makina me targa të San Marinos
Burime për Report Tv thanë se makina është me targa të San Marinos, ndërsa ende nuk dihet se kur ka mbërritur në Shqipëri.
Trupi i pajetë është i karbonizuar çka vështirëson identifikimin e viktimës. Ekspertët e kriminalistikës kanë mbërritur në vendin e ngjarjes dhe po punojnë për zbardhjen e ngjarjes së rëndë. Ndërsa ekipet mjeko-ligjore kanë marrë kufomën nga automjeti i djegur për t’i bërë ekspertizën në morgun e QSUT në kryeqytet.
.jpg)
.jpg)
.jpg)
Njoftimi i Policisë:
Krujë.
Informacion paraprak.
Më datë 05.05.2018, në Derven, në fundin e një toke është djegur një mjet.
Menjëherë në vendngjarje kanë shkuar uniformat blu, të cilët gjatë kqyrjes së mjetit kanë dalluar mbetje të një shtetasi të djegur, ende të paidentifikuar.
Specialistët për Krimet në bashkëpunim me Prokurorinë e Rrethit Gjyqësor Krujë po punojnë për identifikimin e personit të djegur dhe zbardhjen e plotë të shkaqeve të ngjarjes.