Mediat kroate bëjnë me dije se shoferi i autobusit i cili u aksidentuar mëngjesin e sotëm në Kroaci dhe humbën jetën 10 persona është arrestuar.
Prokurori Slavko Pranjić tregoi se gjatë dëshmisë së tij shoferi tha se për një moment e zuri gjumi teksa po drejtonte automjetin.
“Ai deklaroi se e zuri gjumi për një moment, por ne do ta hetojmë atë më vonë,” shtoi Pranjiç.
Dy prej të mbijetuarve nga aksidenti tragjik që u shënua mëngjesin e sotëm në Kroaci, kanë folur për mikrofonat e mediave kosovare dhe kanë përshkruar momentet që përjetuan.
Të njëjtën gjë konfirmojnë edhe dy pasagjer të mbijetuar. Njeri prej tyre tha se gjithçka ka ndodhur brenda një minute dhe se shoferët ndërroheshin kohë pas kohe, duke shtuar se kanë qenë në gjumë.
“Ka ndodh brenda një minute. Vetëm kemi parë se është rrëzuar autobusi. Kemi parë kiamet. Shoferët kanë qenë në gjumë. Ata janë ndërruar kohë pas kohe”, ka thënë njëri prej të mbijetuarve.
Një tjetër tha se autobusi ka shkuar zvarrë për rreth 100 metra. Ai ndaj edhe një lajm të mitë se të lënduarit janë mirë.
“Autobusi ka shkuar zvarrë diku rreth 100 metra. Të lënduarit janë më mirë”, ka shtuar ai.