Detaje të reja janë zbuluar nga aksidenti tragjik që i mori jetën në vend 4 anëtarëve të familjes Gushi në aksin Vlorë-Levan, ku një makinë luksoze tip “Audi” u përplas me makinën e tyre tip “Toyota”.
ABC raporton se shoferi i “Audit”, Igli Madani, kishte tre gjoba në historikun e makinës, të marra për shkelje të rënda të kodit rrugor, konkretisht për parakalime të gabuara dhe për semafor të kuq.
Të njëjtat burime bëjnë me dije se makina luksoze ishte në emër të babait të Iglit, biznesmenit te njohur nga Tropoja, Bashkim Madani.
Mësohet se automjeti që drejtohej nga Igli Madani vetëm 22 vjeç, ishte me shpejtësi tej normove të lejuara, 150 km/h në momentin që u përplas me makinën tip “Toyota” ku udhëtonte familja Gushi.
Nga aksidenti po ashtu mbeti i dëmtuar lehtë shoferi Igli Madani, bashkë me pasagjerët Fabio Lamaj, 21 vjeç dhe 24-vjeçari Glorian Selimaj.
