Nga Adriatik Doçi
Sali Berisha, në kuadër të strategjisë mbrojtëse pas shpalljes ‘non grata’ nga SHBA për korrupsion, deklaron në çdo studio televizive se pasuria e tij është vetëm një apartament dhe 100 mijë euro kursime nga pagat. E vërteta është se Familja Berisha ka një pasuri me vlerë dhjetëra milionë euro. Kjo pasuri është në emër të dy fëmijëve, Shkëlzenit dhe Argitës, si dhe dhëndrit Jamarbër Malltezi. Pasuria me vlerë marramendëse, ku përfshihen pallate, fabrika, apartamente dhe qindra mijëra euro, është krijuar kryesisht pas vitit 2006, që përkon me ardhjen në pushtet të Sali Berishës.
Ky fakt konfirmon se treshja Shkëlzen-Argita-Jamarbër është pasuruar nën hijen e pushtetit të Berishës si kryeministër, siç është provuar edhe nga investigimet e Report Tv gjatë këtij viti. Dhe përdorimi i pushtetit për të pasuruar familjen e tij është edhe një nga bazat ku mbështetet vendimi i Departamentit Amerikan për përfshirjen e Sali Berishës dhe familjes së tij në listën e zezë.
Pas ardhjes në pushtet të Berishës, Argita dhe Jamarbri lanë super paga në Kosovë dhe u zhvendosën në Tiranë, ndërsa të njëjtën rrugë ndoqi edhe Shkëlzeni, i cili la Suedinë dhe erdhi për të bërë miliona në Tiranë si sekser i klientëve të ndryshëm të qeverisë së babait kryeministër. Nga viti 2008, kur ka deklaruar për herë të parë pasurinë, deri në vitin 2015, Shkëlzen Berisha deklaron mbi 650 mijë euro të ardhura nga puna si sekser, konkretisht shumat 82 mijë euro dhe 6.9 mijë euro në 2008, 200 mijë euro në 2009, 150 mijë euro në 2010 dhe 220 mijë euro në 2015.
Mbi 260 mijë USD Shkëlzen Berisha i ka fituar përmes konsulencës juridike. Ka blerë dy makina në vlerë 85 mijë euro dhe 18 mijë euro. Në vitin 2013 ka blerë një apartament në Tiranë 346 mijë euro, të cilin e ka shitur tre vite më pas për 600 mijë euro. Në mënyrë të dyshimtë, Shkëlzen Berisha ka ngritur edhe një fabrikë për përpunimin e boronicave në Gërdec. Në vitin 2018, ka blerë 3 parcela arë 6.183 metra katrorë, 3 parcela truall 14.220 metra katrorë dhe 5.066.5 metra katrorë godina në Gërdec, me një kredi 1.8 milionë euro, duke lënë si kolateral këto prona, ndonëse vlera e tyre është më e ulët se sa vlera e kredisë dhe më e ulët akoma nëse llogarisim edhe interesat. Por, më e dyshimtë është shuma 1.9 milionë euro për blerje pajisje për përpunim boronicash, pasi nuk dihet asgjë për burimin e këtyre parave.
Ndërkaq, Argita Berisha, në deklaratën e parë të pasurisë, deklaron 10 pasuri të paluajtshme me vlerë qindra mijëra euro. Konkretisht ka deklaruar apartament 200 m2 me vlerë 100 mijë euro, apartament 120 m2 me vlerë 150 mijë euro, apartament 141 m2 me vlerë 100 mijë dollarë, apartament plus parking, me sipërfaqe 188 m2, me vlerë 125 mijë dollarë, apartament 77 m2 përfituar nga privatizimi, apartament 95 m2 dhe garazh, gjysmë vile në Gjiri i Lalëzit 56 mijë euro, shtesa anësore e pallatit me sipërfaqe 60 m2, dyqan 33 m2 26 mijë euro si dhe 3 mijë m2 tokë me vlerë 6 milionë lekë. Burimi i këtyre pasurive janë të ardhurat nga paga që Argita dhe Jamarbri kanë fituar në Kosovë si pjesë e UNMIK deri në vitin 2006.
Kur erdhën në Shqipëri në vitin 2006, Argita Berisha ka deklaruar se, bashkë me bashkëshortin, Jamarbër Malltezi, i kishin mbetur vetëm 40 mijë USD, pasi paratë e mbledhura i kishte investuar në pasuri të paluajtshme. Megjithatë, sot, Jamarbër Mallezi rezulton pronar me 35-50 % i 20 kullave në Tiranë, 17 të ndërtuara dhe 3 në proces ndërtimi. Bëhet fjalë për kullat e ngritur mbi ish-Klubin Partizani, që shënon një nga skandalet më emblematike të qeverisë së Sali Berishës, i cili ka përdorur pushtetin në mënyrë të paskrupullt për interesa të familjes. SPAK po kryen një verifikim se ku i ka gjetur paratë Jamarbër Mallezi për të realizuar këtë investim. Vlera e 20 kullave është pa dyshim mbi 120 milionë USD.
Ndërkaq, pas zbarkimit në Shqipëri, të ardhurat vjetore të Argita Berishës janë të ‘frikshme’. Mbi 100 mijë euro janë të ardhurat vjetore në vitin 2008, konkretisht 52 mijë USD nga aktiviteti i avokatisë, 36 mijë euro nga mësimdhënie në një fakultet privat në Kosovë, rreth 24 mijë euro nga dhënie me qera e apartamenteve, 9 mijë euro nga OKB etj. Siç duket, burimi kryesor i të ardhura të Argitës është nga avokatia, aktivitet i cili është konsideruar si dera ku hynin investitorët e huaj për të Shqipëri gjatë pushtetit të Sali Berishës, nga mësimdhënia në Kosovë dhe qiratë. Vijon të mbetet mister se cili kusht janë njerëzit që fshihen pas këtij fakulteti privat në Kosovë që ka paguar Argitën me dhjetëra mijëra euro.
Në vitin 2010, Argita blen një tjetër apartament me vlerë 200 mijë euro. Një vit më pas, të ardhurat vjetore të Argitës arrijnë mbi 170 mijë euro nga ekspertiza, mësimdhënia dhe qiratë. Në vitin 2015, Argita blen një tjetër apartament 128 m2 me vlerë 179 mijë euro dhe parking 26 mijë euro.
Pas largimit nga pushteti të Sali Berishës nga pushteti në vitin 2013, të ardhurat e Argitës bien ndjeshëm. Nëse në vitin 2013, kur Berisha ishte në pushtet, deklaron 6.5 milionë lekë të ardhura nga mësimdhënia në universitete private, në vitin 2014 deklaron vetëm 1.4 milionë lekë. Kostoja e një banese me qira në Tiranë ka ardhur duke u rritur me kalimin e viteve. Çuditërisht ndryshe ka ndodhur me Argitën, pas largimit të Berishës nga pushteti. Nëse në vitin 2013 Argita deklaronte 59 mijë euro të ardhura nga qeratë, në vitin 2018, pra 5 vite më pas, deklaron 28 mijë euro nga qeratë e apartamenteve.
Pasuria e deklaruar nga Familja Berisha për të gjitha vitet
Sali Berisha
-Apartament në Tiranë 125 m2
-100 mijë euro kursime nga pagat
Shkëlzen Berisha
Viti 2008
Ndërmjetësime 82 mijë euro
Ndërmjetësime 6.9 mijë euro
Viti 2009
200 mijë euro nga ndërmjetësimet në shitblerje pasurish
Makinë 18 mijë euro.
Viti 2010
150 mijë euro nga ndërmjetësimet
3 632 528 lekë të ardhura si konsulent juridik
Viti 2011
1 842 680 lekë të ardhura si konsulent juridik
12 000 euro kontratë qiraje të Vilës B9, në Lundër
Viti 2012
Makinë me vlerë 85 000 euro (55 000 euro kredi)
5 668 384 lekë të ardhura nga konsulenca ligjore
Viti 2013
346 mijë euro blerje apartamenti 198 m2 dhe parkingu te ETC (277 200 euro kredi)
4 520 814 lekë të ardhura nga konsulenca ligjore
31 964 euro të ardhura nga dhënia e apartamentit te ETC me qira,
Pagesë qiraje për zyrat në Lundër 4 800 euro.
Vitin 2014
1 266 628 lekë rroga nga “Albanian Legal Company”,
954 068 lekë dividenti nga “Albanian Legal Company”,
50 350 euro të ardhura nga qiraja e apartamentit tek ETC Tiranë
Detyrim huaje 34 222 euro.
Vitin 2015
210 mijë euro nga ndërmjetësimi
1.000.000 lekë të ardhura nga konsulenca juridike
759.789 lekë të ardhura nga punësimi,
47,956 euro të ardhura nga qeraja e apartamentit
Kontratë qeraje në Lundër, 18 mijë euro.
Viti 2016
600 mijë euro të ardhura nga shitja e pasurive të paluajtshme në 2015
3 000 000 lekë nga konsulenca
961 956 lekë nga paga
vlera 47 956 euro nga qiraja e apartamentit të vitit 2015
Viti 2017
3 000 000 lekë të ardhura nga shoqëria Agromel
959 784 lekë nga paga
Viti 2018
3 parcela arë 6.183 metra katrorë, 3 parcela truall 14.220 metra katrorë, 5.066.5 metra katrorë godina në Gërdec, me kredi 1.8 milionë euro.
Pajisje për ngritjen e një fabrike boronicash në Gërdec 1.9 milionë euro
6 700 000 lekë nga konsulenca
2 281 228 lekë nga konsulenca faturuar në vitin 2017, arkëtuar në 2018
1 050 0000 lekë nga punësimi në “Albanian Legal Company”
Dhënë hua 90 mijë euro, kthim 10 mijë euro
Viti 2019 deri në 11 mars
Pakësuar llogaritë me 43 mijë euro
Jamarbër Malltezi
-Jamarbëri pronar me 35-50 % i 20 pallateve në Tiranë, ndërtuar mbi pronën ish-Klubi Partizani
Argita Malltezi
Pasuria para vitit 2005:
Apartament 200 m2, vlera 100 mijë euro
Apartament 120 m2, vlera 150 mijë euro
Apartament 141 m2, vlera 100 mijë dollarë
Apartament plus parking, 188 m2, vlera 125 mijë dollarë
Apartament 77 m2 në Tiranë, përfituar nga privatizimi
Apartament 95 m2 dhe garazh, shkëmbyer me apartament tjetër dhe 14 mijë USD
Gjysmë vile në bregdet Gjiri i Lalëzit, vlera 56 mijë euro
Shtesa anësore e pallatit, 60 m2 e pa hipotekuar. Vlera 20 mijë dollarë
Dyqan 33 metra katrorë, vlera 26 mijë euro
Tokë tre mijë m2, vlera 6 milionë lekë
Makina Mitsubishi 8500 dollarë
Makinë Benz klas A, 5 mijë euro
Viti 2006
110 mijë lekë paga e Jamarbrit
7.6 milionë lekë si avokate
2 mijë euro qira nga apartamenti për 2 muaj
5.8 mijë euro shlyerje të kredi nga 141 mijë euro
Viti 2007
Shkëmbyer apartament plus parking me 2/3 pjesë apartamenti
Shitur apartament 70 mijë euro
Shitur apartament 129 mijë euro
Shitur shtesë apartamenti 79 mijë euro
7.9 milionë lekë nga avokatia
786 mijë lekë nga Fakulteti i Drejtësisë
7.8 mijë euro nga fakulteti privat në Kosovë
1.5 milionë lekë paga e bashkëshortit
10 mijë euro nga dhënia me qira e apartamentit
Viti 2008
5.2 milionë lekë ose 52 mijë USD nga aktiviteti i avokatisë
Shet dy makinat, 8.2 mijë euro dhe 5 mijë euro
821 mijë lekë paga në fakultet
Mësimdhënie në Kosovë në fakultet privat, 3 mijë euro në muaj
Qeratë e dy apartamenteve, 900 euro në muaj dhe 1170 euro në muaj
9 mijë USD grand nga OKB
Shlyer kredi 138 mijë euro
Viti 2009
Shtim i sipërfaqes së apartamentit, 65 m2 dhe 59 m2 verandë, 70 mijë euro
4.1 milionë lekë ose 41 mijë USD nga aktiviteti i avokatisë
Paga në Fakultetin e Drejtësisë, 993 mijë lekë
Qeratë e dy apartamenteve, 900 euro në muaj dhe 1170 euro në muaj
3 muaj mësimdhënie në Kosovë 5.5 mijë euro
Viti 2010
200 000 mijë euro apartament 195 m2 Rr, M. Matohiti
6 635 600 lekë ose 66 mijë USD nga mësimdhënia në fakultete private, plus edhe 10 mijë euro.
Rroga te Fakultetit i Drejtësisë 1.137.294 lekë
Qeratë e dy apartamenteve, 900 euro në muaj dhe 1170 euro në muaj
Viti 2011
8.5 milionë lekë ose 85 mijë USD të ardhura nga ekspertiza dhe fakultete private, plus 35 mijë euro
Roga në Fakultetin e Drejtësisë 1.066.498 lekë
Mësimdhënie në Shkollën e Magjistraturës 47 520 lekë
Nga dhënia me qira apartamenti, 900 euro/muaj
Nga dhënia me qira apartamenti 1170 euro/muaj
Nga dhënia me qira e një apartamenti, Rr. M. Matohiti 1450 euro në muaj, për 10 muaj
Pagesa të prapambetura gjatë ushtrimit të një aktiviteti tregtar 8 000 euro.
Viti 2012
45 mijë euro shitja e një garazhi
55 mijë euro shitje pronë e patundshme
6 164 749 lekë ose 61 mijë USD nga mësimdhënia në fakultete private
2 072 545 lekë paga e shpërblime si pedagoge pranë Fakultetit të Drejtësisë
Të ardhura nga ekspertiza 11 mijë euro.
Të ardhura nga “professional fee” 1 866 dollarë.
15 600 euro qira apartamenti
Viti 2013
Apartament 50 m2 në Gjirin e Lalzit, 25 mijë euro.
Rikonstruksion vile në Gjirin e Lalzit 45 mijë euro.
59 mijë euro të ardhura nga qiratë
922 425 lekë pagesë për legalizimin e vilës në Gjirin e Lalzit dhe blerjen e tokës.
6.5 milionë lekë të ardhura nga mësimdhënia në Universitete private
682 064 lekë të ardhura nga të drejtat e autorit
86 400 lekë të ardhura si anëtare e Senatit të Universitetit
Viti 2014
1 466 840 lekë paga në Fakultetin e Drejtësisë dhe shpërblime,
1 409 400 lekë nga mësimdhënia në fakultete private,
800 000 lekë nga të drejta të autorit,
46 mijë euro nga qiratë
64 800 lekë të ardhura nga Senati
Viti 2015
Apartament 179 mijë euro, 128.3 m2 pjesë e regjimit martesor.
Parking 26 mijë euro
42 mijë euro të ardhura nga qiradhënia
Paga në Fakultetin e Drejtësisë 916 299 lekë.
Të ardhura nga mësimdhënie private 1 025 000 lekë.
Të ardhura nga e drejta e autorit 459 236 lekë.
45 mijë euro shitja e një dyqani
Viti 2016
1 031 646 lekë paga e shpërblime pranë Fakultetit të Drejtësisë,
1 149 936 lekë mësimdhënia në fakultete private
Të ardhura nga e drejta autorit, 640 869 lekë
34 mijë euro të ardhura nga qiratë
600 USD interesa bankare
Honorare dhe shpërblime të tjera, 642 691 lekë
Viti 2017
40 mijë euro nga qiratë
1 937 712 lekë nga mësimdhënia në fakultete private.
22 mijë euro nga konsulenca.
Viti 2018
28 mijë euro nga qiratë
1 086 464 lekë nga Fakulteti i Drejtësisë
1 829 280 lekë mësimdhënia në fakultete private
356 800 Lekë nga e drejta e autorit,
659 240 Lekë nga honoraret dhe shpërblimet.
Rimbursim i shpenzimeve shëndetësore 6 874.13 euro
Viti 2019 deri në 11 mars
9 mijë euro nga qeratë
196 mijë lekë nga Fakulteti i Drejtësisë
300 mijë lekë nga mësimdhënia në fakultete private
61 mijë lekë honorare dhe shpërblime
(Shqiptarja.com)