Pas dështimit si futbollist, Andi Lila e nisi karrierën dhe në politikë si i dështuar.
Ëndrra e tij për tu bërë Ministër Sporti u shua me 25 prill pasi PD dhe Lulzim Basha humbën zgjedhjet, por sërish ai i ka dal në krah kreut të opozitës.
Kujtojmë që Armando Duka dhe Andi Lila i siguruan Bashës para zgjedhjeve disa ish lojtarë të Kombëtares, por dhe ata nuk i dhanë asnjë impakt pozitiv kreut të opozitës që mori humbjen e radhës në zgjedhje nga Edi Rama.
“Me privilegjin që z. Basha dhe Partia Demokratike më dhanë si Kordinator i Sportit, kudo ku shkuam, kudo që takuam, vetëm shkëlqimin e shpresës, të optimizmit, ndryshimit e prespektivës me sytë tona vështruam gjithëkund. Por dita e ndryshimit të madh erdhi si një mallkim, dhuna e bandave të ushqyera nga tregu i zyrtar i hashashit, shtypja e presioni i administratës, makineria e oligarkëve furnizuar me paratë e siguruara prej taksave publike, policia e drejtësia në këmbë për të avokuar kriminelët.
Ato i pushkatuan zgjedhjet e lira si askund në botë e askush në trojet shqiptare. Ato grabitën shpresën, të ardhmen e fëmijëve tanë. U sollëm si europianë, por u shpërblyem si në mesjetën barbare. Por, ne në tokë kurrë nuk ramë. Sfida e vërtet sapo ka nisur. Partia Demokratike, gjithë demokratët e vërtet me Z. Basha në krye, do ja dalim në përballjen me këta manipulatorë. Ne do ju mbështetim, sepse uragani popull tashmë nuk do ndalet, së bashku do i prijmë.
Ne jemi këtu, do jemi këtu, në mbrojtje të demokracisë, sepse ne jemi shqiptarë dhe veç gjuhën amtare flasim”, shkruan Andi Lila që i ka dhënë zemër Bashës dhe ka tmerruar qeverinë. (TemA)