Një prind nga Nju Jorku, i cili dëshiron që të martohet me fëmijën e tij biologjik, ka kërkuar nga gjykata federale e Manhatanit që ta deklarojë antikushtetues ligjin që ndalon incestin, me pretendimin se martesa është çështje e “autonomisë individuale”.
Sipas “New York Post”, në padinë ndaj ligjit nuk specifikohen gjinia, mosha apo vendbanimi i prindit dhe fëmijës. Sipas tyre, “lidhja në martesë do t’i bashkonte ata më shumë në një nivel intim dhe shpirtëror”.
Prindi thotë se duan që t’i propozojnë njëri-tjetrit, por nuk e kanë bërë ende diçka të tillë nga frika se mund të shkaktojnë “dëm emocional” nëse fejohen dhe nuk mund të martohen dot ligjërisht. Ligji në Nju Jork thotë se incesti dënohet deri në 4 vite burgim.