Gjin Gjoni në prag të arrestimit për pasurinë. Hyri në gjyqësor brekëgrisur e pa shtëpi, më 2012 bëhet me rezidencë 700 mijë euro përpos pasurive të tjera

Gjin Gjoni në prag të arrestimit për pasurinë. Hyri në gjyqësor brekëgrisur e pa shtëpi, më 2012 bëhet me rezidencë 700 mijë euro përpos pasurive të tjera

Është simboli i korrupsionit në sistemin e drejtësisë dhe njeriu që ka miq të gjithë politikanët që e kanë promovuar. Madje ka qënë njeriu që ka bërë ligjin sa kohë ka qënë dhe anëtar i Këshillit të Lartë të Drejtësisë, duke ndikuar në të gjitha rastet në transferimin dhe emërimin e njerëzve të PD në krye të gjykatave.

Por dhe duke i shpëtuar shumë nga ata nga penalizimi, sa herë që Ministrat e Drejtësisë kanë kërkuar t’i largojë nga sistemi gjyqtarët e akuzuar për korrupsion.

Ndërkohë që tashmë pritet të fillojë hetimi i pasurisë së tij marramendëse dhe të pajustifikuar, pavarësisht se tentoi të shmangej nga Vettingu duke kandiduar dhe zgjedhur anëtar i Kolegjit Zgjedhor.

Një “qokë” e Metës dhe Berishës për njeriun e tyre në sistemin e drejtësisë që nuk la gjë pa bërë në favor të tyre dhe që tashmë tentohet që ai tua kthejë nderin dhe t’ju japë një “dorë” nëse do ndjehen ngushtë për zgjedhjet.

Gjithnjë në rast se shpëton, gjë që duket e pamundur, nga ndonjë burgosje e gjatë për abuzim me detyrën në gjyqësor.

Gjin Gjoni, para se të merrte në dorë “çekiçin” e drejtësisë, rezultonte pa shtëpi.

Në vitin 2012, përpos shumë pasurive të tjera, Gjin Gjoni bëhet me rezidencë 700 mijë euro.

Ai hyri brekëgrisur në sistemin e drejtësisë direkt nga kursi i “Plepave” dhe më 2012 bëhet me rezidencë 700 mijë euro.

Nuk i ka deklaruar asnjëherë në deklaratën zyrtare të pasurisë.

Tashmë e gjithë pasuria e tij do të verifikohet dhe për këtë janë angazhuar dhe ekspertët e FBI dhe atë britanikë, holandezë dhe gjermanë.

Të cilët do të kalojnë në “filtër” pasurinë e tij dhe të bashkëshortes, transaksionet bankare, shitjet dhe blerjet e biznesve./Pamfleti.com