Ka pasur dy qëndrime të ndryshme rreth ngjarjes së sotme në Elbasan nga opozita. Qëndrimi i LSI ishte që militantët e opozitës sulmuan dhe zbuan Edi Ramën nga Elbasani. Madje Monika i përshëndeti me një deklatatë për shtyp.
Qëndrimi i Gaz Bardhit ishte që këta të PS kishin rrahur protestuesit e PD dhe për këtë kërkonte përgjegjësi.
Për të sqaruar këtë përçarje të opozitës rreth ngjarjes së Elbasanit, Bilushi i Metës bëri këtë sqarim:
Të dashur miq.
Ajo që ka ndodhur sot në Elbasan mbetet një fitore e madhe e opozitës, biles dhe e PD. Pavarësisht se zoti Bardhi është ankuar se këta të PD janë rrahur dhe kërkon përgjegjësi ligjore, ne si LSI, i ngelemi idesë sonë se sulmi ndaj Edi Ramës ishte i fortë dhe e detyroi atë të ikte nga Elbasani. Sipas të dhënave tona ai do ikte nga Elbasani në orën 13. 30 minuta dhe iku më 13. 15 minuta. Kjo tregon që PD e zboi nga Elbasani.
E vërteta është se aksioni i PD triumfoi, pasi ata provokuan dhunë dhe ja dolën.
Zoti Bardhi është i ri në politikë dhe ai mendon se fitimtarë në politikë është ai që të rreh. E ka gabim. Fitimtar në politikë është edhe ai që rrihet. Lufta ka nevojë për viktima dhe për këtë nuk duhet të kursejmë asgjë. Ata burrat e PD që ishin aty, sot nuk kursyen asgjë për të zbuar Edi Ramën. Edhe pse u rrahën, ata ishin aty për të treguar se nuk e pranojnë Edi Ramën.
Kjo ka shumë rëndësi.
Nga ana tjetër, ata që u përleshën me këta të PD, ishin tradhëtarët tanë të LSI dhe PDIU që duhet të ishin në anën tonë. Kjo tregon se PS vepron me mercenarë dhe njerëz që i ka marrë nga ne. Ndaj nuk duhet të trembemi. Beteja tregoi se PS nuk ka njerëz që të rrahë PD dhe merr njerëz hua nga këta tradhëtarët tanë. Ndaj mirupafshim në betejën e radhës.