Flamur Noka ka mbledhur disa mësues në Kamëz ku ka dhënë alarmin për cilësinë e arsimit.
Ai ka premtuar se sapo PD të marrë në drejtim qeverinë, ai do të ndërmarrë një reformë të thellë në arsim.
Noka u shpreh se Shqipërisë i duhen njerëz me kulturë.
Në takim me mësues dhe përfaqësues të arsimit në Kamëz pa respektuar rregullat kundër koronavirusit, Noka u shpreh se sot, sipas tij Shqipëria po përballet me një arsim të shkatërruar.
“Asnjë investim, asnjë kontribut, qoftë tek ju si arsimtarë për t’ju ndihmuar në punën tuaj, qoftë edhe në rritjen e pagave dhe të pensioneve. Arsimi, jo vetëm në Kamëz, por kudo është në gjendje të mjerueshme.
Është e dhimbshme të shohësh, se si pas 8 vitesh qeverisje, Rilindja shet si investim te saj, rikonstruksion e një shkolle të financuar nga UNDP.
Aq të paskrupuj janë, sa përfaqësuesit e UNDP u detyruan të reagojnë, duke u thënë se investimi nuk është i qeverisë, por i UNDP.
Reforma jonë në arsim do të bazohet në disa pika kryesore. Do të rrisim pagat për të gjithë mësuesit. Në qeverisjen e Partisë Demokratike nuk do të kete rrogë mësuesi nën 700 euro.
Ky është një zotim i studiuar dhe me Lulzim Bashën kryeministër, do të bëhet realitet. Ne do të bëjmë gjithçka që dinjiteti i mësuesit të mos nëpërkëmbet, siç ka ndodhur në këta 8 vjet. Do të bëjmë gjithçka që kushtet e mësimdhënies të jenë optimale” tha Famur Noka.
Por çudia ështu në këtë video, ku mësuesit janë të gjithë “burra malsije” dhe në sallë nuk ka asnjë grua, sepse malsorët e Bathores tashmë i kanë “mçel gratë në shpi” për të dëgjuar broçkullat e patriotit nga Shishtaveci me thesin e gënjeshtrave të Lulus.