Një prej pjesmarrësve në një takim të Ilir Metës në Vranisht të Vlorës disa ditë më parë, Bardhosh Micja, ka reaguar ndaj publikimit të lajmit dhe atij që ka denoncuar këtë takim.
“Lidhur me takimin që bëri presidenti i Republikës Z.ILir Meta me popullin e fshatit Vranisht.
Theksoj se takimi nuk kishte ngjyrime politike për asnjë lloj partie, përveçse ai ngulmoi në forcimin dhe zbatimin e ligjit si dhe ruajtjen e kushtetutës së Republikës së Shqipërisë.
Në demokraci të takosh presidentin e Republikës është mirësjellje dhe nder, o njeriu i pandershëm!
Bindjet e mia politike janë historike dhe unë i kam treguar këto me vepra, o i pinjoll i etërve kriminelë.
Shpifjet dhe intrigat, që janë veçori e racës tënde, nuk i mbulojnë dot zullumet e tua e të gjakut tënd, sot e në të kaluarën, si dhe ato të partisë tënde, o injoranti në pushtet, o burracaku anonim.
Ti këtë ves anonimiteti “hidh gurin e fshih dorën” e ke të trashëguar në gen nga paraardhësit e tu famëkeq, me të drejtë populli thotë “ç’lenë prej maces gjunë për minj”.
Ngordhja jote morale dhe politike si edhe e llumit që pëfaqëson ti është e afërt”, thotë ai.
Ilir Meta prej muajsh ka nisur takimet për të bërë fushatën për LSI-në, duke mos respektuar rregullat anti-Covid.