Iliri na paska tren?! Madje dhe e paska nisur, ndaj bëj kujdes! Mjerë kush i del përpara, jo për gjë, por treni ecën në shinat e Monikës dhe më e pasigurta është se ka makinist Lulin. Ndërsa pronari siç duket e ka blerë në tregun e sendeve të përdorura dhe i duket si gjigand që tmerron dhe vret çfarë i del përpara, si një robot që urdhërohet nga konstruktori.
Sa mirë do ishte për Metën, se do kishte shpëtuar nëse bota do të ishte mbushur me idiot që jetojnë e ushqehen me tmerrin e të tjerëve. Mirëpo, për fatin e tij të keq kjo nuk ndodh, sepse bota është e mbushur me njerëz dhe ngjyra.
Duke mos patur asnjë zanat, më në fund presidenti po na shfaqet si polic hekurudhe, që lajmëron me bilbil e tabel nisjen e trenave. Trenat ikin e vijnë, vijnë e ikin, por jo treni imagjinar i tij. Treni i tij nuk lëviz fare nga vendi dhe duhet t’i rrish mbrapa që ta shtysh për ta çuar… deri në varreza. Kjo për t’a ndihmuar, duke i dhënë fund ëndrrës dhe paranojave të Ilir Metës, por dhe makthit të tij për pushtetin e rrezikuar.
Shpresa vdes e fundit por ky dreq makinisti që ka zgjedhur Meta, ta varros dhe shpresën. Kjo është e keqja më e madhe, se makinist Luli ka frenuar në kthesë, sepse është i lodhur dhe i raskapitur me trenat, tramat apo tramvajet dhe i frikësuar sepse i kujtojnë ca horrlliqe me dashnoren e tij… gënjeshtrën, që nuk i ndahet megjithëse tashmë i’a njohin të gjithë si gjysma e tij.
Ai është i sigurtë se ky tren është imagjinar, si pëlhura magjike e mbretit të Andërsenit. Treni i tij as nuk niset, as nuk mbërrin gjëkundi, sepse është i gremisur që në kthesën e parë dhe si mashtrues i pazëvëndësueshëm bënë rolin e trenistit pa tren, që nëse nuk zbret nga ky lloj treni dihet çfarë e pret.
Duke parë se shinat dhe traversat e vendosur nga Kryemadhi dhe Meta janë të rreme, ato që janë të vërteta po çmontohen çdo ditë, kurse ato që kanë mbetur janë të ndryshkura dhe të thyera dhe nuk vlejnë as për skrap, Luli ka vendosur që ta zgjoi çiftin Meta-Kryemadhi nga gjumi, që të bëhen esëll nga ëndrrat duke u lexuar librin e fundit… nuk ka tren as me pasagjer dhe as bosh.
Dhe më e mira për ta do ishte që të përdornin këmbët, se ato nuk të lënë në baltë, se kur të vjen rreziku, këmbët e shpejta të zbardhin faqen… të largojnë nga e keqja por edhe të rrëzojnë nëse nuk shikon ku i hedh hapat.
Ndaj Monika duhet të hap sytë! Kush do ia hapi sytë Metës këtë do e tregojnë ditët që do vijnë, sepse Iliri në fakt është në stacion duke pritur trenin me një biletë vajtie… Tiranë-Lalëz-Reç./Ekskluzive.al