Një prej të arrestuarve nga SPAK në operacionin në Skrapar, Edmond Zotko u përfol se është afërm i Kryebashkiaku i Poliçanit Adriatik Zotkaj përr shkak të mbiemrit të njëjtë. Por kryebashkiaku në një prononcim për Report Tv e ka mohuar këtë fakt.
Kryebashkiaku Zotkaj thotë se i arrestuari ka qenë kandidat i LSI-së për kryetar komunë në vitin 2011, një person me shumë influencë në zonë.
“Edmond Zotkajn nuk e kam kushëri, nuk e mohoj gjakun nëse do e kisha. Është banor i zonës, ka qenë i punësuar, por nuk e kam kushëri.
2-3 muaj më parë kur janë bërë verifikimet e para nga policia dhe e kanë thirrur në polici, unë e kam pushuar menjëherë nga puna, i kam edhe urdhrat e pushimit. Sa jam bërë me dije me këtë akuzë e kam larguar nga puna. Kam larguar edhe 3 kryepleq të tjerë në fshatrat që ka pasur sinjalizime nga policia dhe punonjës pyjorë që kanë detyrë të mbrojnë territorin, por që nuk kanë kryer detyrën.
Edmond Zotkaj ka qenë kandidat i LSI-së për kryetar komunë në vitin 2011, por nuk ka fituar. E largova nga puna sapo më vunë në dijeni nga policia e Beratit që Zotkaj ishte thirrur nga policia në lidhje me kultivimin e kanabisit në Tërpan, ku ai mbulonte sektorin. Kjo ka ndodhur 2-3 muaj më parë”, tha Adriatik Zotkaj.