Aktori Mehdi Malkaj është në mesin e atyre personave që për fatin e mirë kanë fituar betejën me virusin që ka kapluar botën në këtë vit 2020.
Lajmin e ka zbuluar vetë Malkaj në një intervistë për ‘ABC News’.
Nga protesta e sotme e Aleancës për Mbrojtjen e Teatrit para ministrisë së Brendshme për shkak të shoqërimit të katër aktivistëve një ditë më parë, Malkaj tha se ka qënë virusi arsyeja e mungesës së tij në publik.
“Kam qenë duke luftuar me atë virusin dhe e munda. Gjithë muajin nëntor dhe ca nga dhjetori”, tha aktori.
Më tej Malkaj bëri një paralelizën me protestën e të rinjve për vrasjen e Klodian Rashës me atë të artistëve dhe aktivistëve për Teatrin Kombëtar.
“U çuan ata që këta i quajtën adoleshent. Dogjën atë pemën sintetike, thyen edhe ca xhama dhe për këtë ata hëngrën dru. Me apo pa të drejtë ata hëngrën dru. Tani ne jemi ata që mbrojnë pronën publike. Ne që mbrojmë pronën publike hajmë dru. Tani ose do ta hash drurin që prish pronën publike…ajo ishte e turpshme. Unë mendoj se policia ka një stil të rreh me dashuri. Mbase nisen nga shprehja ai që të do të rreh. O ai që të vdes? Ne nuk e kemi ndërprerë ndonjëherë protestën. Kemi tre vjet. Se na vinë të tjerë e kanë derën të hapur”, përfundoi Malkaj.