Kryeministri Edi Rama ka dënuar aktet e dhunës në protestat e këtyre ditëve për vrasjen e Klodian Rashës. Rama shpreh indinjatën ndaj analistëve, ku thotë që fakti që nuk kanë ngritur zërin është i trishtueshëm. Përfshirjen e të miturve në protestë, Rama e ka cilësuar si përtej skandalozes dhe një turp të pashoq.
Pjesë nga deklarata e Ramës
Dhe ata analistët që dalin në ekranet tuaja, që janë kaq të pandjeshëm ndaj qeverisë dhe të mbushur me hakmarrje për një mijë arsyet e tyre, saqë të mos e ngrenë zërin për një fakt tmerrësisht të trishtueshëm që është shfaqur këto ditë në Shqipëri. Për një shfaqje të abuzimit me të miturit, dhe ta nxjerrësh këtë shfaqje si zemëratë popullore, apo shembull për tu marrë përsa i përket vandalizmave…do të thotë që….
Jo për mua si kryeministër, kryeministrat dhe qeveritë shkojnë e vijnë, para se të jesh kryeministër je qytetar i këtij vendi, je prind, pasues i të tjerëve që kanë qenë para teje si banorë i këtij dhe të tjerë pastaj do të vijnë.
Është përtej skandalozes, një turp i pashoq. Të shikosh njerëz që mund të kenë të gjitha arsyet e tyre, jam apo jo dakort unë, për të pasur të gjithë angazhimin e tyre kundër meje dhe qeverisë, por që të arrijnë në këtë pikë dhe të riabuzojnë me të miturit, duke i përdorur si argument të miturit…kjo është renie në një nivel që nga pikëpamja humane është katastrofë.
Nuk gjej fjalët për të arritur të arsyetoj analistë që predikojnë dhunën, komentatorët që revatilizojnë dhunën, dobinë që ka për shoqërinë djegia e objekteve të pronës publike. Çfarë problem ka? Po thyejnë, po djegin dhe po prishim…përkundrazi, pak po bëjnë. Ky është fundi. Nuk e kam gjetur as tek filozofët e teoricienët në Francë që mbrojnë idenë e të bërit zotërues i fatit tënd. Nuk kam gjetur asnjë fjalë të nxjerrë që të amnistojnë dhunën, çfarë janë këta. Kush është shqetësimi im sot me që më pyete dhe po flas shumë i zhveshur nga pozicioni.
“Bokoharami” është një organizatë terroriste që ka shfrytëzuar të miturit, por si mund të ndodhë kjo në Shqipëri? Ata fëmijë nuk janë të vetëdijshëm për ato gjëra që bëjnë, nuk janë të motivuar nga politika apo ideja e një drejtësie, janë fëmijë të abuzuar dhe të përdorur si mish për top, si mund të them unë që ata minorenë që vandalizuan selinë e PS-së në Shkodër janë fajtorë. Nuk janë, as fajtorë dhe as të vetëdijshëm në atë që bëjnë, ata janë fëmijë që vijnë nga familje me probleme.
Po raca që janë pas tyre janë kriminelë, ata që dalin në debate….bëjën një akt kriminal dhe moralisht kriminal. Si mundet? Si mundet? Çfarë i thonë këta të rinjve të Shqipërisë? Çfarë i thonë popullit shqiptar? Dilni që kjo është rruga për të përmbysur rëgjimin? Cilin regjim? Qeveria jonë mund të ketë një mijë e një arsye…por të bëhet me vend.
Kthehuni pak në histori dhe shikoni se cilat protesta kanë funskionuar, të dhunshmet apo paqësoret? Po të ishte kjo një protestë ashtu siç duan këta ta shesin, do të ishin të gjithë aty në shesh, si për armët kimike, që nuk dogjën asnjë fije bari. Dolën në protestë dhe e kthyen mbrapsht një nismë që pa ata do të kishte shkuar në një tjetër drejtim. Kjo qeveri nuk është shurdhe dhe e pavëmendshme ndaj protestave. E njëjta gjë dhe me atë të studentëve, përjashto disa ndotës.
Ishte paqësore dhe arriti qëllimin. Pse? Se u trembën ne nga gurët, zjarri apo thyerja e semaforëve?! Jo, sepse vetëdija ime dhe qasja ime është që të jemi të vëmendshëm dhe të reflektojmë, qeveria nuk është e fortë kur thotë që kam gjithmonë të drejtë, por kur bën gjënë e drejtë.