Sali Berisha ka postuar një foto nga një faqe me emrin Erion Veliaj, për të treguar se Edi Ramën nuk e ndjek më njeri.
“Neveri, neveri, neveri!
Shperthen neveria kombetare e papermbajtur ndaj Edvinit! Ajo arrin kulmin historik me vetem 67 ndjekes ne çastin kur ne ekranin e tualetit te Kol Balles ndjekesit, per shkak te gromsirave, per te mos prishur gojen me ate fjalen tjeter qe ai nxjerr nga goja, njerezit braktisen me vrap ekranin ku fliste Edvin Neveria gjersa mbeten vetem 67 vet dhe e nxine ate komplet!
Nderim qytetareve te te gjitha bindjeve partiake per xhestin e tyre fisnik, rekordin historik te menderosjes dhe neverise qe arriten me te pashpresin e pakallur”, shkruan ai.
Prej kohësh opozita ka nisur një betejë online, duke sponsorizuar dhe duke dhënë urdhër që çdo militant të ndjekë dhe të bëjë share emisionet ku merr pjesë Lulzim Basha apo përfaqësues të PD-së.
Kjo e demaskua padashje një ditë më parë nga kreu i PD-së së Sarandës, Hariz Memë, që publikoi urdhërin e PD për të shpërndarë në FB linkun e emisionit ku ishte ftuar Lulzim Basha.
Tani të njëjtën gjë mund të bëjë edhe Rama me të tijët, por të besosh marrëzitë e Berishës se atë e ndjekin vetëm 67 njerëz, është qesharake.
Mjafton të hysh në FB e Ramës, për të parë që tre videot e emisionit të shpërndara nga ai, janë parë mbi 200 mijë herë.
Ashtu si edhe Basha, që natyrisht, dje kishte interes më shumë se Rama, pasi është i akuzuari i madh i këtyre ditëve dhe pritej me kërshëri se çfarë do të thoshte.