Gazetari Milaim Zeka akuzon ish-kryeministrin Sali Berisha për qëndrime të dyfishta në raport me procesin ndaj ish-liderve të UÇK dhe sidomos ndaj figurës së Thaçit.
I ftuar në emisionin “Quo Vadis”, Zeka tha mes të tjerash se ka qenë vetë Berisha që ka akuzuar Thaçin për vrasjen e rivaleve politik në Kosovë, ndërsa tani del dhe e mbron.
“Sali Berisha nëpër studio televizive në Shqipëri ka akuzuar presidentin Thaçi se ka kryer vrasje në Kosovë, ka bërë vrasje të oponentëve të tij politikë dhe fill pas shkuarjes së Thaçit në Hagë del edhe mbron Thaçin.
Është identike e nderuar Pranvera sikur kjo fushata që është marrë tani në Kosovë, “Liria ka emër”.
Plot njerëz definilojë përmes kësaj fushate, janë njerëz të cilët kanë anti-UÇK, anti-luftë, anti këtyre njerëzve të cilët kanë shkuar sot në burgun e Hagës.”, u shpreh ai.
Zeka shtoi se Berisha dhe Rama po e përdorin këtë proces në Hagë për të mbledhur sa më shumë vota.
“Edhe Berisha, edhe Edi Rama po e përdorin shumë çështjen e arrestimit të liderve politikë të Kosovës, edhe Edi Ramës nuk i takon të flasë, sa për sy e faqe, sa për vota.
Edi Rama, po të donte me i ardh në ndihmë Kosovës, do të bënte një financim, për të bërë një hulumtim dhe një film dokumentar rreth ekzistimit apo mos ekzistimit të shtëpisë së verdhë.
Nuk kemi nevojë ne për poezi, për përralla e mbështetje folklorike, qoftë nga Tirana, qoftë nga Prishtina.
Ata njerëz që janë në Hagë dhe ata që do të shkojnë pas tyre, kanë nevojë për mbështetje juridike, asgjë tjetër.”, përfundoi Milaim Zeka.