Një martesë verore në Maine, SHBA, duhet të shërbejë si një shembull i pasojave të gjera të tubimeve në epokën COVID-19, paralajmëron Qendrat Amerikane për Kontrollin dhe Parandalimin e Sëmundjeve (CDC).
Konkretisht, një martesë në një qytet të vogël çoi deri në tre epidemi të ndara COVID-19, të cilat infektuan 177 njerëz, tre përfunduan në spital dhe deri në shtatë vdiqën, thanë këto ditë punonjësit shëndetësorë që monitorojnë kontaktet dhe hetojnë përhapjen e sëmundjes.
Eshtë e rëndësishme të theksohet se askush nga ata që u sëmur rëndë ose vdiq nuk ishte në dasmë dhe shumë prej tyre jetonin 100 kilometra larg.
Hetimi i çështjes tregon se mosrespektimi i udhëzimeve në lidhje me distancën shoqërore dhe mbajtja e maskave mund të ketë pasoja të mëdha, sipas CDC.
Raporti i CDC nuk përmend se ku u zhvillua dasma, por dihet që, pavarësisht lejimit të një maksimumi prej 50 personash për të marrë pjesë në tubime të tilla, kishte 55 mysafirë në këtë tubim dhe se të ftuarit u ulën afër, pa maska dhe pa distancë.
Rreth 30 persona që morën pjesë në event e më vonë kishin një test pozitiv për COVID-19.
Por pasojat nuk ishin të kufizuara vetëm për ata që ishin në dasmë.
Në një qytet që më parë nuk kishte të sëmurë nga COVID-19, pas kontaktit me njerëz që ishin në martesë, u shfaqën 27 persona pozitivë me COVID-19 dhe një banor vdiq.
Në një vend edhe më të largët, në një shtëpi pleqsh, 36 persona u infektuan dhe gjashtë vdiqën pasi prindi i njërit prej njerëzve që ishte në dasmë erdhi në punë.
Më vonë, një infeksion COVID-19 shpërtheu në një qendër tjetër, rreth 300 kilometra nga vendi i dasmës, i cili përfshiu deri në 82 punonjës.
Doli që burimi i infeksionit ishte një i ftuar në dasmë, i cili erdhi në punë para se të kishte simptoma.
Deri më tani, dasma ka qenë e lidhur me të paktën 177 raste dhe shtatë vdekje, thonë zyrtarët e CDC në Maine, dhe shumë jetojnë larg vendit të dasmës dhe nuk kanë asnjë lidhje me të.
“Ky raport është një paralajmërim për të gjithë ata që mendojnë se janë të sigurt në vende të vogla dhe të mbushura me njerëz,” tha Robert Long, drejtori i komunikimit i CDC në Maine, duke theksuar se është gjithashtu një mesazh për njerëzit përpara tubimeve familjare.