Sot, fiks 21 vite nga zhdukja e shekullit, të biznesmenit Remzi Hoxha, djali i tij Ardian Hoxha rrëfen ekskluzivisht në ‘Repolitix’ në Report Tv arsyen se përse hoqi dorë nga kërkimi i trupit të babait të tij.
Ai thotë se pyetja “a është gjallë, ku është” e ka munduar ndër vite dhe shpresa se mund ta gjenin gjallë ka humbur. Ndër të tjera, ai thotë se është zhgënjyer totalisht nga çdo klasë politike, që e kanë mbajtur me premtime boshe duke e përdorur politikisht.
“Që nga dita e parë kur punonjësit e denoncuan largimin e babit tim dhe kur treguar se e ka marrë një makinë me targa AA2449C ishin të SHK-ut, ne e dinim që SHK-u e kishte marrë, e dinim që ditën e parë. SHIK-u na tha nuk dinte asgjë, na thanë shko aty shko atje që të merrnin kohë.
Kaluan ditë dhe ne s’e kishim babin në mesin tonë. Kaluan vitet dhe donim të besonim që ishte gjallë, babi ka qenë i përndjekur nga regjimi serb dhe mendonim që ndoshta ka ndonjë element që po e mbajnë, por mendonim se ishte gjallë. Erdhi 1997 të gjithë dolën nga burgu, babi im nuk doli.
Erdhi në pushtet Fatos Nano, dhe kishim shpresë të paktën te Edi Rama, se Gramoz Ruci, Erion Brace shfrytëzonin rastin e babait tim”, tha mes të tjerave Hoxha.
Si dhe kush e rrëmbeu Remzi Hoxhën dhe çfarë roli kishte ShIK në atë kohë? A kishte dijeni për zhdukjen e tij presidenti i asaj kohe Sali Berisha? Çfarë dinte Remzi Hoxha që u torturua dhe cili ishte motivi i përndjekjes së tij? Pse dështoi në Shqipëri procesi gjyqësor për dënimin e autoreve të këtij krimi? Për të gjitha këto tema flet ekskluzive me Ardian Hoxhën, djalin e Remzi Hoxhës.
Djali i Remzi Hoxhës: Berisha kishte frikë se i dilnin të palat se shitej ‘si babai i kombit’
Djali i Remzi Hoxhës, Ardian e lidh zhdukjen e babit të tij drejtpërdrejtë me Sali Berishën. Sipas tij, Berisha kishte frikë se babai i tij do i zbulonte lidhjet me Millosheviç në ato vite. Për Hoxhën, Berisha edhe sot e kësaj dite ka lidhje me serbët.
“Vazhdimisht ka pasur frikësime, mesazhe, e ka ditur që është në ndjekje, por që do i ndodhte diçka e tillë nuk e kishte menduar, se Shqipërinë e kemi konsideruar si diçka të lirë. Të kishte ndjerë një rrezik të madh do kishim ikur në Gjermani apo Zvicër se i kishim edhe mundësitë ekonomike.
Patjetër përgjegjës është Sali Berisha, e kam dhënë që edhe Milloshevic nuk ka shkuar në Kosovë që t’i kap dhe t’i masakrojë, ka qenë udhëheqës politik që jep urdhra dhe strukturat kanë qenë në shërbim të tij, edhe të Milloshevic dhe të Berishës.
Tani pas 35 vitesh e ka mësuar se çfarë është media, e propaganda. Sali Berisha e ka pasur si ‘baba i kombit’, ashtu e ka menduar edhe babai im në ato vite, ai është martuar me një serbe. Liria është serbe, nanën e ka serbe. Në Shqipëri ndjenjat patriotike duhet të vijmë ne që t’ua ngjallim pak ato ndjenja. Serbia edhe Shqipërinë e sheh si armik, e kundërta jo.
Nuk është bërë e madhe, Berisha ka qenë dhe është në lidhje me Serbinë dhe del në anën tjetër dhe bën propagandë, dhe ata e dinë që kur e shan Serbinë s’e ka me të keq, po do të ngihet para popullit të vet.
Nga frika që të mos i dilnin të palara dhe të deklaroheshe si baba i kombit është frikësuar se mos i del ndonjë nga këto gjëra dhe do krijohet puzzle dhe do zhvishej nga figura e tij”, tha Hoxha në Report Tv.
Djali i Remzi Hoxhës tregon 2 ngjarjet që implikojnë Sali Berishën në zhdukjen e biznesmenit dhe takimi Miloshevic-Gligorov-Berisha në Shen Naum
Djali i Remzi Hoxhës shprehet se babai i tij është ndodhur në vendin e gabuar në kohën e gabuar ku ka zbuluar dy takime mes palës shqiptare dhe asaj serbe. Në rastin e parë, ai thotë se në takimin mes Slobodan Miloshevic dhe Kiro Gligorov mund të ketë qenë dhe Sali Berisha, kjo pasi Remzi Hoxha ka parë eskortën e tij teksa udhëtonte drejt vendit të takimit të tyre.
“Ky është një element. Babai në Maqedoni shkonte në mënyrë të fshehtë, ashtu dhe në Kosovë. Në Kosovë, Kaqanik është dhe një Remzi Hoxha që e arrestuan autoritetet serbe dhe e rrahën. Njerëzit që ishin aktiv në çështjen e Kosovës që jetonin në Shqipëri, babain tim e kanë njohur. Babai ka qenë shumë në lëvizje. Në një takim me Shefqet Maliqin dhe Basri, në kthim babi shkonte në Shkup më 31 maj 1993.
Në Tushemisht, polici i thotë që do duhet të kthehen pasi kufiri është i mbyllur. Kur u kthyen shohin eskortin e Presidentit Berisha. Këta kthehen, babai im shkon në Shkup. Slobodan Miloshevic dhe Kiro Gligorov u takuan në Shën Naum, dhe babai im të tre bëjnë lidhjen nëse ka qenë Berisha në atë takim.
Nuk kanë pasur asnjë kontakt. I shkruan Presidentit Rrugova nëse ka pasur informacion se ishte Berisha në atë takim. Rrugova pyet Berishën dhe ai i thotë se kush ta dha. Rrugova i tha Remzi Hoxha. Ndaj Berisha mendonte se Remzi donte nëse dinte diçka. Babai nuk dinte se Basriu pyeti Rrugovën. Ishte në kohë të gabuar dhe në vend të gabuar” tha djali i Remzi Hoxhës.
Gjithashtu ai shpjegoi rastin e dytë në takimin me Bashkim Gazidedes dhe Arkanit, dora e djathtë e Slobodan Miloshevicit.
“Babai në 93 merrej me duraluminin. Për atë kohë ishte njëshi absolut tek sipërmarrësit? Duralumini sapo kishte hyrë. Shkoi në Shkodër për një inspektim. Shkuan në një lokal të Shkodrës për të ngrënë. Aty panë Gazideden dhe Arkanin. Babai, tronditet.
Shkon takon Pjetër Abnorin dhe i thotë se si ka mundësi që këta shkojnë bashkë ndërkohë që ne jemi në luftë. I thotë do pyes Berishën për këtë takim. Ai i thotë se më tha Remzi Hoxha dhe ja ku doli për herë të dytë emri i babait tim. Berisha urdhëron Gazideden për të marrë Remzi Hoxhën për të parë se çfarë provash kishte” tha Ardian Hoxha.
Pse hoqën dorë nga kërkimi? Djali i Remzi Hoxhës: Humbëm shpresat se ishte gjallë! Zhgënjim nga çdo klasë politike, na mbajtën me premtime të rreme
Ardian Hoxha, djalin e Remzi Hoxhës të zhdukur më 21 tetor 1995, në studion e ‘Repolitix’ ka rrëfyer se përse ka hequr dorë nga kërkimi i trupit të babait të tij. Humbja e shpresës se mund ta gjejnë gjallë, por më pas edhe nga zhgënjimi nga çdo forcë politike për gjetjen e trupin, Hoxha liston dy arsyet kryesore.
“25 vite dhe është një kohë shumë e gjatë, ne po keqtrajtohemi në çdo aspekt si familje, ka shumë vite që ia bëjmë vetes pyetje a do zbardhet, a do i gjemë dhe po na duhet si pafund dhe në një farë mënyrë duke qenë se e gjitha klasa politike, rrëmbimi u bë në 21 tetor 1995 kur në pushtet ishte PD, SHIK-u i PD, Sali Berishës, që udhëhiqet nga Bashkim Gazidede që e kishin kryer krimin.
Që nga dita e parë kur punonjësit e denoncuan largimin e babit tim dhe kur treguar se e ka marrë një makinë me targa AA2449C ishin të SHIK-ut, ne e dinim që SHIK-u e kishte marrë, e dinim që ditën e parë. SHIK-u na tha nuk dinte asgjë, na thanë shko aty shko atje që të merrnin kohë.
Kaluan ditë dhe ne s’e kishim babin në mesin tonë. Kaluan vitet dhe donim të besonim që ishte gjallë, babi ka qenë i përndjekur nga regjimi serb dhe mendonim që ndoshta ka ndonjë element që po e mbajnë, por mendonim se ishte gjallë.
Erdhi 1997 të gjithë dolën nga burgu, babi im nuk doli. Erdhi në pushtet Fatos Nano, dhe kishim shpresë të paktën te Edi Rama, se Gramoz Ruci, Erion Brace shfrytëzonin rastin e babait tim.
Prandaj del Berisha dhe thotë e kanë bërë politik. Na kanë dhënë shpresë të rrejshme dhe na thanë se do keni varrin e babait tim. Këtë çështje e di e gjithë bota”, tha Hoxha.