Disa mjekë dhe infermierë kanë mbajtur sot një protestë të shkurtër. Ata kanë pasur disa kërkesa:
1. Të shpallen dëshmorë të kombit të gjithë ata pjesëtarë të personelit shëndetësor të cilët humbin jetën në këtë luftë me këtë armik të padukshëm.
2. Të bëhet sigurimi i jetës së personelit shëndetësor, me qëllim që familjet e tyre të mund të vazhdojnë jetën dhe pas fatkeqësive të mundshme në këtë luftë.
3. Rritje e vlerësueshme e trajtimit financiar të personelit shëndetësor.
4. Personelit shëndetësor të çdo niveli t’i sigurohen të gjitha kushtet në punë për parandalimin e infeksionit sipas të gjithave standarteve kombëtare dhe ndërkombëtare.
Protesta u paralajmërua nga Lulzim Basha në fakt që të enjten e kaluar, por ajo është mbajtur vetëm sot, pasi pikërisht Basha i mblodhi disa prej tyre në selinë e PD-së.
Megjithatë, pavarësisht prapavijës politike të protestës, një grup mjekësh janë pritur nga ministrja e Shëndetësisë, Ogerta Manastirliu dhe drejtori i QSUT-së, Enkel Joti, në Kryeministri.
Por menjëherë pas përfundimit të takimit, në prej mjekëve, ka vijuar lojën e ndyrë të PD-së, për përfitime politike.
Përfaqësues i Sindikatës së Punonjësve të Shërbimit Shëndetësor, Ibrahim Bruka, kirurg në QSUT është shprehur se ata në fakt nuk janë pritur as nga Rama, as nga Manastirliu, por nga këshilltarët e tyre.
Gjë që në fakt nuk është e vërtetë, pasi në fotot e mëposhtme duket qartë ministrja Manastirliu duke hyrë në Kryeministri për takimin me mjekët.
Madje, pas takimit ajo doli në konferencë për të folur me një prej mjekëve të pranishëm në takim.
Por pse do të gënjente Bruka? Arsyeja është e thjeshtë: Ai është propozuar për deputet nga PD-ja, në Qarkun e Kukësit.
Dhe për këtë, me sa duket ka vendosur t’i bëjë shërbimin e nevojshëm, partisë. Kujtojmë që, përveç kandidat, vite më parë ai ka qenë deputet i PD në Tropojë.
