Ai tha se duhet bërë më shumë për rritjen e cilësisë në të gjitha drejtimet, ndërsa tha se duhen krijuar kushte më të mira dhe të zhvillohen më shumë aktivitete kulturore dhe argëtuese, me qëllim që turistët mos të mbeten tek dera e hotelit, por të mund të njohin më shumë kulturën dhe traditën vendase.
Gjithashtu kryeministri paralajmëron se të gjithë hotelet nga Saranda e deri në Velipojë janë të pronotuar.
Postimi i plotë:
Kjo verë do të ketë më shumë turistë se asnjëherë më parë.
Të gjitha hotelet e dhomat e ofruara nga operatorët turistikë, nga Velipoja në Sarandë, janë të prenotuara
👍
Kërkesa ndaj Shqipërisë rritet ndjeshëm vit pas viti dhe ndërkohë që punojmë për nxitjen e investimeve të reja, duhet të rrisim me patjetër cilësinë në çdo aspekt.
Për këtë qëllim kemi hartuar një plan që përfshin një sërë ministrish dhe institucionesh. Shteti do të jetë në krye të detyrës si asnjëherë më parë, për të garantuar një sezon turistik me më shumë pastërti, më shumë siguri, më shumë mundësi argëtimi. Bashkëpunimi më i mirë se asnjëherë me bashkitë është domosdoshmëri
Video: