Kreu i Grupit Parlamentar të LSI-së Petrit Vasili mes të tjerash foli edhe në lidhje me lajmin që qarkulloi dje në media ku në një letër drejtuar Kongresit Amerikan në maj të vitit 2017, ish-kryeprokurori Adriatik Llalla pohonte se Lu i kishte kërkuar arrestimin e Ilir Metës. Vasili, i ftuar në ‘Fax News’ tha se përgjigje shteruese për këtë dhe vrastare për ata që deshën të krijonin skupin e ditës.
“Besoj se Lu i cili flet në emër të Departamentit dha një përgjigje vrastare për këto çështje, ndaj nuk kemi nevojë për raporte.
Reagimi i Lu është I qartë, është reagimi i Amerikës zyrtare. Kjo ishte as më shumë e as më pak se një skenar sorosist për të krijuar skupin e radhës.
U përpoqën të krijojnë skupin e ditës, edhe morën të qartë përgjigjen se kjo histori ishte një dëngël që u shërbeu për disa orë”, tha ai.
Nderkohe qe ambasadori amerikan Donald Lu kishte perfunduar takimin me Presidentin Ilir Meta, pikerisht per kete qellim dhe nga Presidenca kishte dale deklarata zyrtare.
Ndërkohë që në komentin e tij për raportin e “Freedom House” që zgjedhjen e Metës president e konsideronte si hap pas në luftën kundër korrupsionit, Vasili tha se këtë raporte sorosiane nuk kishte dëshirë t’i komentonte, ndërsa theksoi dy element.
“Unë këto raportet sorosine nuk kam dëshirë t’i komentoj. Kam dy komente, “Freedom House” ka marrë përgjegjësi publike për zgjedhjet, se gënjeu për zgjedhjet duke thënë që i ka pranuar opozita, zgjedhjet nuk i kemi pranuar kam qenë kryetar i LSI-së atëherë dhe i kam dënuar këto zgjedhje të cilat u damkosën nga OSBE-ODIHR.
Së dyti BE pohoi se 20% e votave janë shitur dhe blerë, ne i kemi shënjuar si zgjedhjet më të shëmtuara në Shqipëri. Nuk ka nevojë të diskutojmë portalet e Ramës e të Endri Fugës”, tha Vasili.