Një grup konsumatorësh amerikanë kanë paraqitur një ankesë Antitrust-i në Amerikë, për faktin që YouTube ka mbledhur të dhëna për fëmijët nën 13 vjeç, të cilët në teori, ashtu si në Facebook nuk duhet të kishin fare llogari. Në muajt e kaluar shoqëria ka qenë nën shënjestër edhe për disa raste të tjera ku janë vënë re video me përmbajtje dhune apo dhe fraza me sfonde seksuale.
“Është një prioritet të mbrojmë fëmijët” deklaroi Mountain View.
“Google ka përfituar nga llogaritë e hapura duke mbledhur të dhëna nga fëmijët në YouTube për vite me radhë” shkruajnë 23 studio ligjore në mbrojtje të konsumatorit, të cilat kërkojnë hetim për Big G në lidhje me dhunimin e “Children’s Online Privacy Protection Act (Coppa)” ,i cili është një ligj që disiplinon mbledhjen e informacioneve nën moshën 13 vjeç.
Njëri nga nismëtarët e denonimit Jeff Chester, shpjegon se ashtu si Facebook-u, dhe Google është përqendruar në përfitimin e sa më shumë parave, duke lënë mënjanë privatësinë e përdoruesve. Sipas kushteve të përdorimit YouTube nuk ështe i aksesueshëm për persona nën 13 veç. Për konsumatorin amerikan vihet re një përdorim masiv deri në 80 % nga fëmijë të moshave 6-12 vjeç. Sipas “Trendera research” 45% e fëmijëve nga 8 – 12 vjeç kanë një profil të tyrin.
“Aktualisht nuk kemi marrë asnjë komunikim. Të mbrojmë fëmijët është një prioritet i yni. Nëse vinë ankesa do i lexojmë me kujdes nëse është e nevojshme do të ndërmerren veprime për të përmirësuar shërbimet tona” u shpreh njëri nga zëdhënësit e Google, i cili tregoi gjithashtu se janë bërë investime të konsiderueshme për të krijuar aplikacionin “YouTube Kids” si një alternativë për moshat e vogla.