Mbrëmjen e sotme kudo në median online dhe rrjete sociale kanë marrë dhenë disa fotografi të një ish-polici, anëtar të Partisë Socialiste i cili sipas rrëfimit të një vajze për Berishën, ja conte vazhdimisht në inbox dhe e përndiqte.
Ish-kryeministri Sali Berisha ka publikuar mesazhin e vajzës në fjalë e cila është nga Shkodra dhe është 20 vjec.
Me një reagim në Facebook, dega e Partisë Socialiste në Shkodër deklaron se distancohesn nga ngjarja e shëmtuar dhe denigruese.
REAGIMI I PS NË SHKODËR
Të nderuar qytetarë të qytetit të Shkodrës dhe ju anëtarë dhe simpatizantë të Partisë Socialiste!
Nisur nga denoncimi që u bë publik pak më herët në rrjetet sociale, rreth shtetasit B.Q. për kanosje dhe postime të pamjeve të pahijshme ndaj një 20-vjeçareje nga Shkodra, shprehim distancimin tonë të prerë ndaj një fenomeni të tillë të shëmtuar dhe denigrues.
Njëkohësisht dëshirojmë të sqarojmë opinionin publik që shtetasi B.Q. nuk mban asnjë funksion të asnjë niveli në strukturat e Partisë Socialiste Shkodër.
Partia Socialiste Shkodër, distancohet jo vetëm nga ky gjest i shëmtuar, por njëkohësisht edhe nga çdo aludim që qytetarja ngre rreth ndërhyrjes së strukturave apo funksionarëve partiakë në punën e institucioneve shtetërore.