Kryetari i PD Lulzim Basha ishte sot i pranishëm në një takim me disa përfaqesues të biznesit të vogël ku u diskutua lidhur me skemën e re te TVSH-së.
Basha u bëri thirrje edhe biznesve të ngrihen kundër qeverisë duke akuzuar se vendosja e tyre në skemën e TVSH ka vetëm qëllime korruptive. Ai përsëriti edhe njëherë thirrjen “le të vijnë të na arresotjnë të gjithëve”.
Duke u ndalur në protestën masive të mosbindjes civile, Basha ka theksuar se është koha për veprim e koha nuk pret.
“Fjalët nuk mjaftojnë, ju bëj thirrje ti bashkoheni aksionit që ndërmerren nesër, mbyllja e qepenave në mbarë vendin, ne na keni në krah. Mos kini frikë, bashkohuni, le të vijnë të më arrestojnë mua të parin, nuk na arrestojnë dot të gjithëve”, tha Basha.
Lulzim Basha, disa vite më parë i shpëtoi drejtësisë me procedurë, duke mos u gjykuar kurrë për rolin e tij në vjedhjen e mbi 230 milionë eurove, ndërsa sot bën trimin duke bërë thirrje që ta arrestojnë nderkohe qe nxit destabilitetin.
Trimërinë, Basha e pati rastin ta tregonte në gjykatë, duke iu dhënë mundësia ‘sublime’ për të bërë ‘heroin’ duke sqaruar mega-aferrën korruptive të vjedhjes së 230 mln euro, por asokohe Basha ishte i sëmurë me temperaturë dhe iu shmang hetimit me raporte mjekësore./Lexo.al