Ministri i Brendshëm Fatmir Xhafaj ka treguar detaje të reja mbi operacionin e kapjes së 613 kg kokainë pak javë më parë në Durrës.
Xhafaj u shpreh se ka folur me DEA-n lidhur me operacionin dhe se hetimet kanë përparuar.
“Kemi marrë vlerësime maksimale nga zyrtarët e DEA. Ai ishte një operacion i suksesshëm i Policisë Shqiptare. Ka përparim. Ka një hetim të gjerë, jo vetëm me emrat e personave që janë bërë publikë por ka edhe emra të tjerë. Në hetim janë angazhuar edhe agjenci të vendeve të tjera si Europol, DEA, apo polici të vendeve të tjera”, deklaron Xhafaj për Report Tv.
I pyetur nëse do të ketë arrestime lidhur me çështjen në fjalë, Xhafaj u shpreh: “Duhen pyetur prokurorë që merren me këtë çështje. Unë besoj që po.