Kryeministri Edi Rama ka informuar për lehtësitë e reja të lëvizjes që nisin nga nesër. Në një postim në “Facebook”, Rama shkruan se Fieri kthehet në zonë e gjelbër dhe hiqet krejtësisht fasha orare e lëvizjes në zonat e gjelbra. Po kështu fasha orare e lëvizjes në zonat e kuqe zgjatet deri në orën 21.00.
Një tjetër lajm i mirë është heqja në të gjithë vendin e autorizimeve për lëvizjen e këmbësorëve apo automjeteve gjatë javës, ndërsa sa i përket fundjavës do të jetë përsëri pa makina.
Nga ana tjetër vazhdon të jetë e ndaluar hyrje – dalja e automjeteve në zonat e kuqe.
POSTIMI I PLOTË
Nga nesër për javën në vazhdim, në bazë të vendimit të Ministrisë së Shëndetësisë:
🟢 FIERI KTHEHET NË ZONË E GJELBËR
🪀 HIQET KREJTËSISHT FASHA ORARE E LËVIZJES NË ZONAT E GJELBËRTA
🟢 FASHA ORARE E LËVIZJES NË ZONAT E KUQE ZGJATET DERI NË ORËN 21.00
🟢 HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE GJATË JAVËS – FUNDJAVA DO TË JETË PËRSËRI PA MAKINA
VAZHDON TË JETË E NDALUAR HYRJE – DALJA E AUTOMJETEVENË ZONAT E KUQE
🪀 QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI – TJETRI.
Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu!
Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht.
*Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal