Nga Romeo Karaj
E keqja qe po sundon prej 27 vitesh, tashmë po perjeton fillimin e fundit të saj.
Për 45 vjet, vuajtëm nga diktatura ideologjike e proletariatit, ndërsa këto 27 vjet u ngrit dhe u fuqizua, diktatura e se ligës.
Diktatura e proletariatit krijoi shtresën e të persekutuarve politike, ndërsa diktatura e së keqes ka krijuar tashmë plotësisht shtresën e të persekutuarve të së keqes.
Përjetuam 27 vite te arta per mashtruesit, grabitesit, hajdutet, kurvat, pseudopatriotet dhe pseudomoralistet te cilet pushtuan me mashtrim dhe kurre me merite e lufte parimore, politiken, drejtesine, biznesin, median dhe cdo fushe tjeter te jetes.
Të persekutuarit e aleances te se keqes jane te gjithe ata qe vuajne per mjetet minimale te jeteses, per sherbim shendetesor, shkollor, administrativ etj, që punojnë dhe jetojnë vetem per te vuajtur dhe per t’i sherbyer ndyresirave te se keqes ne pushtet.
27 vite mjaftojnë per t’u bindur se askush me vlera te verteta morale e profesionale nuk u vleresua, promovua apo iu gezua normalisht punes se tij, por u persekutua si shembull i rrezikshem dhe i padeshirueshem nga llumi pushtetar.
Pushteti do vegla, ushtare të bindur, lëpirësa, kurva e xhahile, hajdutë dhe matrapazë, se përndryshe t’a mbyll derën e jetës e t’a bën sa vrima e miut.
E keqja gjithmonë bashkejeton me arrogancen dhe budallallikun, si në rastin Llalla, dhe shfaqet paturpshen para syve të kujtdo, me luksin, karshillikun, mekatin dhe pengjet e saj, kështu që po na e ben mjaft te lehte, punen per evidentimin dhe shporrjen e saj.
Tashme çdo gjë dihet e stërdihet, dhe nuk ka ngelur me gje per t’u mesuar, por vetem per t’u rregulluar.
E keqja pret sot, që e mira të çohet dhe t’a shporrë nga pushteti.
Derisa e mira t’a kuptojë dhe realizoje këte gjë, e keqja do mbretëroje dhe e mira do emigrojë, vuajë dhe durojë.
Kush e ka kuptuar se kjo jetë duhet jetuar për veten dhe jo per te tjeret, qe do realisht t’i shohe hajrin vetes se tij, punes se ndershme dhe fitimprurese, duhet te perballet me te keqen.
Persa kohe e keqja eshte me agresive dhe me e organizuar ne mbrojtje te zullumit dhe lluksit te saj te pamerituar se sa e mira, per aq kohe e mira do vuaje.
E drejta mbi force fiton dhe fati eshte me guximtaret.