Sali Berisha ka dhënë një intervistë për Klan, ku flet për tërmetin e 26 nëntorit.
Më poshtë poi u përcjellim disa prej perlave të tij.
Fillimisht Berisha ngre shqetësimin se Shqipëria nuk ka qenë me nuhatje molekulare.
“Ekipi i ndihmës nuk kishin as dorëza për të hequr rrënojat, në një kohë kur të gjitha ndodheshin në depo të sjella nga Banka Botërore që në kohën e qeverisë së mëparshme dhe më vonë.
Gjithçka ekzistonte, por nuk ekzistonte përgjegjësia njerëzore për t’i dalë zot situatës së krijuar.
Nuk kishte qen me nuhatje molekulare, sepse Ardi Veliu paçka se taksapaguesit i jepnin 1 milion euro për shkollën e qenëve, kishte vendosur t’i eksportonin nga Italia, dhe katër prej qenëve që solli nuk kishin nuhatje, pra i hëngri korrupsioni”, thotë Berisha.
Edhe pse nuk është më deputet, Berisha shprehet se ka dhënë rrogën e një muaji e gjysëm, për të prekurit nga tërmeti:
“Unë kam kontribuar me të ardhurat e mia, një muaj e gjysme, i kam kërkuar dhe i ka kaluar banka, nga banka, ajo që më vjen si rrogë, tek Kryqi i Kuq Shqiptar. Natyrisht kanë kontribuar familjarët e mi, edhe ata në mënyrën më të mundshme”.
Ai e akuzon kryeministrin Rama si të papërgjegjshëm jo vetëm për shpërfilljen që i bëri paralajmërimit të bërë nga presidenti Meta, por edhe menaxhimit të situates:
“Me gjithë paralajmërimin shumë serioz që bëri presidenti i Republikës për të qëndruar si për pasojat e tij dhe për tu përgatitur për të tjerat… por si na gjeti në tërmeti? Kurrë më parë nuk e ka gjetur këtë vend më të papërgatitur”.
Ai ngre akuza edhe për skemën e dëmshpërblimit dhe rivlerësimit të banesave të dëmtuara:
“1 milion lekë për familje, kanë qenë 8, 9 apo 1 viktimë, ky ka përdorur formën që përdor policia me falsitet në raste krimi. Mund të jenë mbi 100 ose 120 mijë objekte të dëmtuara që kanë nevojë për vlerësim jo për tu shembur, deri sot nuk është vlerësuar as 1/10, sepse për t’i vlerësuar duhet t’i kontraktosh, por duhet të paguash, do u japësh dietën, naftën. Katastrofë është gjendja e ndihmave”.
Ndërsa shtyrjen me tre muaj të fatkeqësisë natyrore e sheh si thellim të katastrofës:
“Ka vetëm përpjekje demoniake për të shpëtuar imazhin e tij të nxirë, përgjegjësinë e tij kriminale për këtë situatë”.
Në fund, nuk beson se në bankën të të akuzuarve Prokuroria do të çojë autorët e vërtetë që shkaktuan tragjedinë e 26 nëntorit:
“Para 11 vitesh ndodhi në Gjirokastrës dhe u shemb një pallat, sepse një firmë ndërtimi po ndërtonte të vetin dhe ia do dobësoi themelet, u arrestuan nja 9 dhe u dënuan me burg 5. Kurse këtu janë shembur me dhjetëra pallate dhe janë arrestuar 8 apo 9 vetë, sepse këtu të gjitha fijet shkojnë tek Gjushi, shkojnë direkt te Edi Rama, shkojnë tek Artur Bushi.
Thuhet që ai drejtori i Institutit të Ndërtimeve ka dhënë certifikata për pallatet që janë përmbys në Shtator, në qoftë se është kështu vendin e ka në hetuesi dhe jo ekraneve televizive për të bërë deklarata”.