Sot Doktori ishte pak nervoz. Në Tiranë duhet të festohej 8 Dhjetori, por nuk kishte ku shkonte.
Godinën 15 ku u mblodh celula e parë e PD, e prishi Rama me eksploziv, se ishte çarë nga tërmeti. Ka shumë dyshime nëse ishte e pabanueshme vërtet, pasi dyshimet e Doktorit janë se Rama do të nxjerrë jashtë demokratët që kanë zaptuar godinën gjatë qeverisjes së PD.
Pastaj do vinte ai momenti i bezdisëshëm që duhet të fliste për Azem Hajdarin dhe t’u bënte thirrje të rinjve të beheshin si Azemi e jo si Rudina.
Edhe ky siklet më vete.
Të persekutuarit që duhet t’i jepnin tonin kësaj dite e kanë marrë inat Doktorin, se nuk ju dha dëmshpërblimet dhe as ata nuk mblidhen.
Ilir Meta po ashtu kishte deklaruar se sot do bënte miting, por e anulloi prej tërmetit.
Në gjithë këtë rrëmujë që e ka gjetur ky 8 Dhjetor Shqipërinë, i vetmi vend ku nuk shkelet është Qyteti Studenti. Atje do gjesh o godinën e prishur të PD, o Rudina Hajdarin tek busti i Azemit, o Ilir Metën.
Ndaj vendosi të bëjë shetitjen e tij të zakonshme deri tek “Syri i Kulçderës”.
Tërmeti i mbrëmshëm prej 4.8 ballë u ndje tek vila e tij por ai nuk lëvizi. Pa vetëm nga dritaret. As rojet e Ilir Metës nuk lëvizën. Pastaj pa nga vila e Mul Nokës. As atij si kishin lëvizur tjegullat.
U ul dhe vendosi të bëjë një thirrje rinisë që këtë 8 dhjetor të nisë revolucionin kundër këtyre komunistëve në pushtet. E shkruajti shpejt dhe ja postoi sekretares.
Dita me diell e joshte të ecte përsëri, por vendosi të shikojë lajmet. Rama kishte pranuar propozimet e Bashës për biznesin.
-Si nuk nxë mend ky njeri,- tha. I kam thënë një mijë herë bëj propozime që nuk realizohen, ky shkon propozon ato që do Rama.
Dhe u ul shkruajti mesazhin e dytë.
Të dashur shqiptarë të dëmtuar nga tërmeti. Fatkeqësia juaj është Edi Rama dhe jo tërmeti. Po të ishte për tërmetin, do shkatërronte dhe shtëpinë time në Lalz, që ishte tek epiqendra, por nuk ka asnjë gërvishtje, se ne e kemi ndërtuar vetë dhe jo me leje të Edi Ramës.
Po të kishim marrë leje nga Edi Rama sonte do të ishim jashtë. Ndaj bojkotoni ndihmat e Ramës, bojkotoni shtëpitë që ju jep ai, ngrihuni në këmbë ta përmbysim dhe keni të gjithë nga një shtëpi si unë”
-Kështu e do ky qen,- tha me vete, dhe e postoi.