Arkitekti italian, Marko Kasamonti, ndërsa foli për ndërtimin e stadiumit të ri në Shqipëri, “Air Albenia Stadium”, tha se ai do të ishte një model i përshtatshëm edhe në Itali.
Në “Rai 2”, ndërsa po diskutohej për gjendjen e keqe të stadiumeve në Itali dhe pengesat në procedura për ndërtimin e një stadiumi të ri, Kasamonti tregoi se si “Air Albania Stadium” u ndërtua për vetëm 3 vite.
“Stadiumi është projektuar, ka zhvilluar praktikat e tiij burokratike dhe ndëruar brenda tre viteve.
Ky është fakti i jashtëzakonshëm. Ky është një model dhe për kulturën italiane që të reflektojë sepse ne kemi 40 stadiume në Itali që janë në pronësinë e bashkive, që nuk restaurohen dhe që shpeshherë janë në kushte të këqija.
Ky është një model funksionaliteti dhe efiçence por edhe nga pikëpamja teknologjike përbën një standard të ri me të cilin duhet të përballemi”, tha arkitekti italian.