10 vjet pa të madhin dhe të talentuarin Fatos Sela. Nderim dhe respekt për figurën e tij!

Fatos Sela (1948-2013), 10 vjet pa të madhin dhe të talentuarin Fatos Sela. Nderim dhe respekt për figurën e tij!
Fatos Sela lindi në 2 tetor të vitit 1948 dhe u nda nga jeta në 18 dhjetor 2013.

Studimet e larta i përfundoi në vitin 1972 në institutin e Lartë të Arteve dega dramaturgji. Në vitin 1972-1975 punoi si regjisor në Televizionin Shqiptar. Në 1975 u transferua në teatrin “Bylis” të Fierit në të cilin punoi si aktor deri në vitin 1995.

Ka interpretuar në këto filma: “Gunat përmbi tela” (1977), Hodo; “Shtëpia jonë e përbashkët” (1981), Bashkimi; “Nëntori i dytë” (1982), oficeri turk; “Gracka” (1983), Bajo; “Të paftuarit” (1985), Çezar Dibra; “Vjështë e nxehte e ’41-së” (1985), Bako; “Një vit i gjatë” (1987), Likurgu; “Pesha e kohës” (1988), Trifoni; “Pas takimit të fundit” (1990), komisar Ganiu; “Bolero” (1997), instruktori i baletit; “Tirana, viti zero” (2001), qeveritari. Pamje nga ura (2007) teatër – dhe si regjisor në Heronjtë e Vigut (1977).

Fatos Sela, aktor i Teatrit Kombëtar prej vitit 1995, ka qenë ndër emrat më të kërkuar nga regjisorë të brezave të ndryshëm, për të realizuar karaktere nga Çehov, Ibsen, Uajld, Miler, Dyrrenmat po edhe realizime modeste të figurave të historisë kombëtare, siç ishte shfaqja e tij e fundit “Ëndrra e Ismail Qemalit”.

Aktori Fatos Sela ndahet nga jeta në mbrëmjen e 18 dhjetorit të vitit 2013 në një nga spitalet e Tiranës ku prej disa javësh ishte shtruar me urgjencë për shkak të një tumori në stad të avancuar.